Personi që vrau veten në Nea Halkidhona ,Anesti Agolli është i njëjti person me Shkëlqim Agollin, ish kryetar i Sherbimit Sekret të Sali Berishës në Vlorë. Shkëlqim Agolli i cili ishte i papunë në Greqi ,kishte ndryshuar në mënyrë të ligjshme emrin në atdheun e tij dhe tashmë quhej Anesti Agolli ,për arsye që të mundej të largohej. Hetimet e pardjeshme të Sigurimit të Athinës zbuluan se shqiptari që vrau veten ,i cili duket që ka kaluar zyrtarisht kufirin në datën 19 qershor ,kishte kryer edhe udhëtime të tjera në Greqi me një pashaportë false me emrin Anesti Zebra. Pas ikjes së tij nga Shqipëria, mbrëmjen e 28 Shkurtit, kur besniku i Sali Berishës nuk mbështeti mënyrat e presidentit shqiptar në ngjarjet e Vlorës, askush nuk dinte se ku kishte ikur. Por në datën 10 mars, bashkëshortja e tij, Dorita, duket që ka hyrë nga pika kufitare e Kristalopigjisë dhe duket se ka ikur përsëri në datën 20 maj nga Greqia drejt Shqipërisë.
Shkëlqim Agolli ose Anesti Agolli vepronte dhe kontrollonte kryesisht në zonat e Korcës dhe Pogradecit, me përjashtim të muajit shkurt kur rrëmujat në Shqipëri gradualisht po rriteshin dhe kështu që ju desh të shkonte ne Vlorë.
Pasi mbërriti në Greqi zyrtarisht d.m.th në 19 qershor, nuk ka shqetësuar organet greke, të cilat kërkojnë tashmë pashaportën e tij të dytë, e cila ndoshta është e fshehur në shtëpinë ku u vetëvra, të hënën e kaluar, për të zbardhur atë periudhë për të cilën konsiderohet, në mënyrë të sigurt, se ndodhej në Greqi, pra para 19 qershorit.
Por më se i sigurt për oficerët e Sigurimit grek është fakti se Agolli, babai I tre fëmijëve, nuk u vra dhe as që ekziston ndonjë mister rreth vdekjes së tij ashtu sic shkruan gazetat shqiptare, por vrau veten pas nje zënke të madhe me fjalë, me gruan e tij Doritën, sepse ajo donte të kthehej në Shqipëri dhe më pas e goditi në grykë me një send të fortë dhe e plagosi. Skena ndodhi në sytë e mbesës së tij, e cila vrapoi në shtëpinë ngjitur dhe kërkoi ndihmë nga nëna e vet, motra e Doritës. Në këto pesë minuta që pasuan, Agolli i cili e donte shumë gruan e tij dhe besoi se e kishte vrarë, kur e shikoi pa ndjenja në dysheme, rrëmbeu një thikë dhe e nguli në gjoksin e tij duke shkruar me këtë mënyrë epilogun e një tragjedia familjare.
Informacione eshte marre nga Gazeta Shqiptare