Reali i Madridit ka fituar 2-0 prestigjiozen "El Klasiko" ndaj rivales historike, Barcelona. Falë këtij rezultati, skuadra e drejtuar nga Fabio Kapelo ngjitet në vendin e katërt, dy pikë larg Barcelonës, e cila kryeson së bashku me Valencian. Në sfidën e mbrëmshme në "Bernabeu", "merengesit" kaluan në avantazh që në minutën e tretë, kur Rauli shënoi me kokë brenda zone. Kapiteni i Realit përfitoi nga vendosja e gabuar e Turamit për të mposhtur Viktor Valdesin, pas krosimit të marrë nga Serxhio Ramos. Në minutat në vijim, miqtë nga Katalonja morën kontollin e lojës, por kampionët ishin spektakolarë deri në hyrje të zonës madrilene. Ronaldinjo dhe Mesi provuan nga dy herë respektivisht, por pjesa e parë u mbyll 1-0. Fillimi i pjesës së dytë është i ngjashtëm me atë të 45 minutave të para. Pas 180 sekondash lojë, Rud van Nistëlroi dyfishoi rezultatin, duke vulosur humbjen e parë të Barcelonës në këtë sezon, e dyta në katër ditë pas disfatës ndaj Çelsit në Ligën e Kampioneve. Ky rezultat tregon edhe një herë vartësinë që të besuarit e Rajkardit kanë ndaj Etosë. Mungesa e kamerunasit ndihej shumë ndaj një Reali cinik që pasqyroi mentalitetin e "Don Fabios". Mbrojtje e hekurt dhe kundërsulm fatal, duartrokitjet e "Bernabeut" mund të fitohen edhe kështu.Në ndeshjet e tjera të luajtura dje, Valencia ushtron presion ndaj pretendentëve në Primera Divizionit, pasi ka arritur tripikëshin e radhës, duke mundur 1-0 Osasunën me golin e të zakonshmit David Vila. Sulmuesi i kombëtares spanjolle shënoi për herë të pestë në këtë kampionat, në minutën e 15-të, pas një tentative të Fernando Morientesit. Por një lajm i keq vjen për skuadrën e Floresit, pasi dëmtimi i David Albeldas duket i rëndë. Mesfushori mund të ketë dëmtuar ligamentet e gjurit. Nga ana e saj, Osasuna e mbylli ndeshjen me dhjetë futbollistë pas daljes me karton të kuq të Horge Lopezit në minutën e fundit. Vendësit patën rastin më të mirë për të barazuar në të 89-ën, kur topi i goditur nga Valdo u ndal në shtyllë. Valencia ngjitet në kuotën e 16-të pikëve, një më shumë se Sevilja, e cila me dygolëshin e Kanutesë fitoi 2-1 ndaj Gimnastikës. Kanute deri tani është shënuesi më i mirë i kampionatit, me shtatë gola.


Primera Divizion, java e shtatë
Dje
Valencia Osasuna 1-0
Vila 15'
Sevilja Gimnastik 2-1
Kanute 21', 26' / Kuelar 68'
Bilbao - Selta 0-1
Baiano 6'
Rekreativo - Getafe 1-2
Pongol 54' / Pakon 42', De Moral 71'
Majorka Sociedad 0-0
Espanjol Santander 2-2
Tamudo 45', 90' (pen) / Munitis 26', Çika 87' (aut)
Real M Barcelona x-x

Të shtunën
Saragoza Betis 2-1
Vilareal Levante 1-1
Deportivo Atletiko M 1-0

Renditja
1.Barcelona 5 1 0 16 5 16
2.Valencia 5 1 1 13 5 16
3.Sevilja 5 0 2 15 9 15
4.Deportivo 4 2 1 9 5 14
5.Saragoza 4 1 2 16 10 13
6.Atletiko M 4 1 2 10 6 13
7.Getafe 4 1 2 6 4 13
8.Real M 3 2 1 8 3 11
9.Selta 3 1 3 12-11 10
10.Rekreativo 3 1 3 9 8 10
11.Vilareal 2 3 2 6 7 9
12.Majorka 2 3 2 4 5 9
13.Levante 2 2 3 7 12 8
14.Osasuna 2 1 4 4 7 7
15.Santander 1 3 3 6 10 6
16.Espanjol 1 3 3 4 8 6
17.Bilbao 1 2 4 6 14 5
18.Betis 1 1 5 8 12 4
19.Gimnastik 1 1 5 7 15 4
20.Sociedad 0 2 5 5 14 2