“Kam ardhur për vendin e punës…. Jam e diplomuar dhe kam aftësi të mira komunikimi….Njoh dhe gjuhë të huaj….”. Më pas, në duart e personit që e pret, lë të dhënat e saj, si dhe numrin e telefonit me shpresën se një ditë, zilja do të bjerë për ta ftuar, për t’u gjendur në ndonjë zyrë, klasë, dyqan apo gjetkë. Por nuk është e lehtë. Jo vetëm për shkak të problemit të madh social të papunësisë që ka pllakosur shoqërinë shqiptare, por edhe si pasojë e diskriminimit fetar. Mbajtja e ferexhesë nga vajzat dhe gratë në ambientet e punës, kryesisht në institucione, duket se është e papranueshme. Madje, disa prej këtyre vajzave i janë drejtuar Avokatit të Popullit. Burime nga ky institucion shprehen se vajzat dhe gratë, besimtare të fesë myslimane, që mbajnë ferexhe, kanë sjellë ankesat e tyre për mospranimin në punë, në institucione të ndryshme. Por me këtë problem nuk janë përballur vetëm femrat që mbajnë ferexhe, por edhe meshkujt besimtarë të fesë myslimane, që kanë mjekër të gjatë. Numri i këtyre të fundit është i vogël, gjithsesi shqetësues është fenomeni. Ekspertë të Avokatit të Popullit, kanë marrë në shqyrtim të gjitha ankesat dhe pasi janë njohur me problemet që kanë hasur besimtaret, u kanë bërë relacione dhe rekomandime përkatëse krerëve të tyre. Institucioneve u është rekomanduar që të mos bëjnë diskriminime, për shkak të përkatësisë fetare të njerëzve