Ka një fat të përcaktuar në jetën e çdo qenieje njerëzore. Atë që lind me flokë të zeza, e pret një jetë me sakrifica. Ndonjë darkë në piceri, asnjëherë restorant me pesë yje, lëvizje me autobus dhe shumë ëndrra në sirtar. Të parealizuara, natyrisht, për shkak të vështirësive ekonomike. E kur lind biond, të pret një tjetër jetë. Pushime jashtë shtetit, darka në restorante japoneze (ku tretet gjithçka, veç llogarisë) dhe një jetë luksi. Kjo është bërë e ditur sipas një sondazhi të realizuar në Itali, nga revista “Donna Moderna”. Sipas studimit më të ri, një i pasur i vërtetë fiton 20 deri në 70 milionë euro në vit, në vendet e Perëndimit. Ja pra kështu shihet nga italianët diferenca mes pasanikut dhe të varfrit, e ndarë nga detaje të vogla si ngjyra e lëkurës, flokëve apo makina që ka, dhe këtu përmendëm vetëm disa prej tyre. Për sa i përket aktivitetit sportiv, i pasuri preferon golfin, pëlqen veshjet me peliçe, përdor sllonët dhe preferon pushimet në vende të rralla si Sharm el-Sheik. Ndërsa, varfanjaku, pra bruni, preferon pushimet brenda vendit të tij, nuk shkon shumë në kinema, bën shumë pak sport dhe më shpesh nxit fëmijët e tij ta bëjnë këtë.