Pesë ndeshje, një seri të ardhurash bankare (e fundit në 2006-ën): kanë qenë këto kundërshtimet që zëvendësi i zyrës së hetimeve, Karlo Loli Pikolomini, i ka bërë portierit të kombëtares dhe të Juventusit (kandidat për trofeun "Topi i artë"), Xhianluixhi Bufonit. Dosjet erdhën nga zyra e hetimeve, ndërsa ato të Prokurorisë së Parmës janë shumë të qarta: Bufoni me Julianon, Kimenti e Mareska janë dëgjuar nga gjykatësit emilianë. Ka pasur edhe derdhje bankare që kanë nxjerrë në pah lëvizjet e parave mes llogarive korrente, por edhe përgjimet që kanë evidentuar ndeshjet, në të cilat janë vënë baste. Ka qenë një fat që faktet u përqendruan të gjitha para 23 nëntorit 2005, kur ka ndryshuar Neni 5 i Kodit të Drejtësisë Sportive dhe dënimet për bastvënësit u bënë edhe më të ashpra.
MBROJTJA - Bufoni doli pas dy orësh nga selia e zyrës së hetimeve, ku u dëgjua (para tij ishin dëgjuar ditët e shkuara Kimenti e Juliano). I qetë, i shoqëruar nga dy avokatët (Marko Valerio Korini e Luixhi Kuapeo), nuk iu fsheh kronistëve: "Jam i qetë dhe i kënaqur, - tha portieri bardhezi, - shkoi si herët e tjera. Nëse në fillim kanë pasur dyshime ndaj meje, mendoj se tani nuk kanë më." "Po shkëputet filli i procedurave, - shpjegoi avokati Korini, - edhe në Prokurorinë e Parmës e kemi referuar motivin e derdhjes së 10 mijë eurove që shërbenin për të paguar një borxh dhe nuk iu referuam në asnjë mënyrë ndonjë basti."
AKUZA - Nuk bëhet fjalë vetëm për atë derdhje parash në 2006-ën: të dhënat bankare kanë evidentuar sikur të ishte "përdorim i konsoliduar", derdhje parash në atë llogari, por ndonëse Bufoni iu përgjigj në "mënyrë ezauruese" pyetjeve të hetuesve federalë, kundërshtimet janë të tjera. Dy ndeshjet paraeliminatore të Ligës së Kampioneve kundër Djurgardenit (2-2 në Torino dhe 4-1 për Juven në Suedi), Juventus-Palermo më 25 shtator 2004, 1-1 dhe dy ndeshjet e Kupës së Italisë kundër Atalantës që më pas sollën skualifikimin e Juves nga kupa, 2-0 për Atalantën dhe 3-3).
Në këto ndeshje luajtën edhe Kimenti e Juliano. Nga dosjet që Prokuroria e Parmës i ka dorëzuar zyrës së hetimeve (Torino ka dërguar vetëm një pjesë, ndërsa nga Udine nuk ka mbërritur ende asgjë), rezultojnë vënie "bastesh" për këto ndeshje dhe për këtë, si Bufonit, ashtu edhe Kimentit me Julianon iu janë kërkuar sqarime.
HETIMI - Me seancën dëgjimore të Bufonit, zyra e hetimeve ka plotësuar të parët nga dy vëniet e basteve. Tani, Karlo Loli Pikolomini që kishte dëgjuar Kimentin e Julianon, i ka të gjitha elementët për të plotësuar relacionin që do t'i jepet prokurorit federal, Stefano Palaci. Do t'i takojë atij të vendosë nëse duhet të paralajmërojë në komisionin disiplinor futbollistët (mund të ketë edhe ndonjë përgjegjësi objektive për klubet), ose ta arkivojë dosjen. Me akuzën e 5 ndeshjeve, gjërat vështirësohen vetëm me problemin derdhjes së parave, por me gjendjen aktuale rreziku do të ekzistonte vetëm për bastvënien, ndonëse i kufizuar: sipas gjykimit të parë, bëhet fjalë për 6 muaj pezullim, por mesatarja është 3.
MARESKA Enxo Mareska luan sot te Sevilja, roli i tij në këtë çështje ka mundësi t'i kalohet për kompetencë Federatës Spanjolle.