Mbipopullimi në parabur-gimin e Durrësit, mbetet ende një problem i pazgjidhur. Nga 120 vende që është kapaciteti, në këto ambiente të izolimit janë rreth 300 persona. Ky objekt i ndërtuar në fillim të viteve ’70-të, nuk e përballon më situatën, në një kohë që popullsia në të është tre-fishuar. Një situatë e tillë ka sjellë mjaft probleme për të përballuar kushtet e jetesës si nga personeli i shërbimit, por edhe nga vetë të paraburgosurit. Kushtet e higjienës mbeten për të dëshiruar, ndërsa mbipopullimi mbart dhjetëra probleme të tjera. Vetëm pak kohë më parë, Komiteti shqiptar i Helsinkit bëri publik një raport të mbajtur nga një organizëm i rëndësishëm evropian, ku paraburgimi i Durrësit ishte cilësuar si më problematiku dhe më e mbipopulluari në vend.