Ndërkohë, Valencia ka pësuar humbjen e parë në këtë sezon, teksa është mundur 3-2 nga Selta, në ndeshjen e luajtur dje në "Balaidos" për javën e gjashtë të Primera Divizionit. Miqtë kaluan të parët në avantazh me anë të golit të shënuar nga qendërmbrojtësi David Navarro, vetëm pas katër minutash lojë. Selta barazoi në të 30-tën me golin e shënuar nga Fernando Baiano. Në fillimin e pjesës së dytë, vendësit shënuan dy gola të shpejtë me Irinein dhe Kanobion, të cilët i shkaktuan humbjen e parë skuadrës së Kike Sançez Floresit, pavarësisht nga goli i shënuar nga Morientes në minutat e fundit. Sulmuesi spanjoll mund të krenohet me faktin që ka shënuar tetë gola në gjashtë ndeshje që ka luajtuar. Valencia nuk mundi t'i largohej Realit të Madridit që humbi të shtunën 1-0 në Getafe. Edhe për "merengesit" e Kapelos, kjo ishte humbja e parë në këtë kampionat. Në ndeshjet e tjera të luajtura dje, bien në sy fitoret e shumta të skuadrave udhëtuese. Bilbao dhe Santaderi kanë arritur fitoret e tyre të para në këtë kampionat në fushat e Gimnastikës dhe Osasunës, ndërsa goli i Arangosit u dha ishullorëve të Majorkës tri pikët në sfidën ndaj Levantes. Vlen për t'u përmendur edhe fitorja 3-1 e Saragozës në "Anoeta" ndaj baskëve të Sociedadit. Barazim pa gola në Vilareal-Espanjol, me miqtë që i gëzohen pikës më shumë se vendësit.

Primera Divizion, java e gjashtë

Selta Valencia 3-2
Baiano 45', Irinei 52', Kanobio 56' / Navarro 40', Morientes 63' Gimnastik Bilbao 2-3
Sarriegie 55' (aut), Makukula 71' / Jeste 11' (pen) 50', Iraola 29'
Levante Majorka 0-1
Arango 22'
Osasuna Santander 0-1
Melo 53' (pen)
Sociedad Saragoza 1-3
Prieto 29' (pen) / Milito 34'(pen), 59', Diogo 55'
Vilareal Espanjol 0-0
Barcelona Sevilja x-x

Betis Deportivo x-x

Të shtunën
Getafe Real Madrid 1-0
Atletiko M Rakreativo 2-1

Renditja
1.Barcelona 4 1 0 13 4 13
2.Valencia 4 1 1 12 5 13
3.Sevilja 4 0 1 12 5 12
4.Real Madrid 3 2 1 8 3 11
5.Atletiko M 4 1 1 10 5 13
6.Deportivo 3 1 1 7 4 10
7.Rekreativo 3 1 2 8 6 10
8.Saragoza 3 1 2 14 9 10
9.Getafe 3 1 2 4 3 10
10.Vilareal 2 2 2 5 6 8
11.Osasuna 2 1 3 4 6 7
12.Levante 2 1 3 6 11 7
13.Majorka 2 2 2 4 5 8
14.Selta 2 1 3 9 11 7
15.Espanjol 1 2 3 2 6 5
16.Gimnastik 1 1 4 6 13 4
17.Betis 1 0 4 6 8 3
18.Santander 1 2 3 4 8 5
19.Bilbao 1 2 3 6 13 5
20.Sociedad 0 1 5 5 14 1