Zv.presidenti i Milanit: Do të qëndrojë te Barcelona. Nuk duam të bëjmë atë që na kanë bërë të tjerët

Kaka i dërgon mesazhe të qarta, presidenti Berluskoni ia ka "shkelur syrin" disa herë, takimet me të vëllain-menaxher nuk mungojnë, kështu që tifozëve kuqezinj nuk u mbetet gjë tjetër veçse të ëndërrojnë. Është duke marrë vërtet dimensione të mëdha sezonale çështja e mundshme Milan-Ronaldinjo. Mbi këtë gjë ka ndërhyrë për të sqaruar gjithçka Adriano Galiani. "Ne nuk duam t'u bëjmë të tjerëve atë që na është bërë dikur, - tha zv-presidenti milanist. - Ronaldinjoja është absolutisht me të gjitha kuptimet dhe do të qëndrojë një lojtar i Barcelonës, asnjë aksion shqetësimi. Barça nuk ka aspak ndër mend të privohet nga ai dhe nuk ka asnjë bisedim."
Megjithatë, ëndrra mbetet, edhe pse fjalët e Adriano Galianit mbyllin thuajse çdo shteg, çdo mundësi për të shpresuar për të parë "Fenomenin" e Barcelonës në "San Siro" vitin e ardhshëm. Një dëshirë e presidentit, që duke filluar nga fundi i merkatos verore, ka ndezur zemrat e tifozëve kuqezinj dhe që nuk flet gjë tjetër javët e fundit veçse për këtë çështje. Pakënaqësia, një formë jo shumë e mirë, problemet mbi rinovimin e kontratës që po e turbullojnë prej kohësh dhe ndonjë vërshëllimë tifozësh në "Kamp Nou", kanë hipotezuar skenarë të pamendueshëm.
Një Ronaldinjo që pas ciklit fitues së "dopjetës" titull-Champions mund ta lërë Spanjën për Italinë. Por asgjë nga kjo s'do të ndodhë sipas fjalëve të Adriano Galianit: "Barcelona s'ka ndër mend të heqë dorë nga braziliani dhe ne nuk kemi ndër mend të çojmë para asnjë aksion për t'i shqetësuar, - komenton numri dy i Milanit. - Nuk ekziston asnjë bisedim. Ne nuk bisedojme për lojtarë që janë në pronësi të skuadrave të tjera. Marrëdhëniet e mia me presidentin Laporta janë të shkëlqyera dhe duan që të mbeten të tilla. Nuk duam që atë që na bënë për Kakanë, ta bëjmë edhe ne". Çdo referim është për "banditët" e Realit të Madridit." Fraza rrethanore apo njëfarë dorëzimi për një dëshirë, me sa duket e parealizueshme. Por mund të jetë edhe një kënaqësi ajo nga ana e Milanit për të pasur më shumë se lojtarë klasi në skuadër, sikundër ata të katërt që janë në listën për futbollistin më të mirë në botë "FIFA World Player": Kaka, Nesta, Gatuzo, Pirlo dhe... siç pranoi vetë Galiani, një i pestë, Shevçenkoja. E ardhmja do ta tregojë nëse numri i yjeve milanistë në një listën për një çmim të tillë dhe vlerësime të tjera, do të rritet ndoshta në sezonin e ardhshëm, pas merkatos, sepse të ëndërrosh nuk kushton gjë dhe ndonjëherë ndodh që ëndrrat realizohen.
Ndërkohë, edhe dje nuk kanë munguar thashethemet e shtypit italian për Ronaldinjon "e trishtuar", për të cilin Milani qenka duke përgatitur një mega-ofertë prej 90 milionë eurosh, për ta bindur Barçën ta shesë. Për brazilianin, kontrata do të ishte e majme: 12 milionë euro në sezon. Hipotezë që konfirmohet në njëfarë mënyre dhe nga vëllai-menaxher i Dinjos, Roberto Asis, i cili e sheh të ardhmen e të vëllait të tij në Milano pas dy vitesh: "Këtë verë, Milani vendosi të mos marrë Ronaldon, por Rikardo Oliveirën, klientin tim, dhe pas dy vitesh mund të veshë kuqezi edhe Ronaldinjon", - tha ai.