Duke nisur nga dita e sotme, Vodafone për të gjithë klientët ekzistues dhe ata me parapagesë të programit “Vodafone Card”, do të komunikojnë me tarifa të reduktuara për telefonatat, mesazhet e shkruara (SMS), si dhe telefonatat “Roaming me Vodafone Passport”.
Me këtë ulje të tarifave, e cila pason uljen në muajin korrik të tarifave ndërkombëtare për klientët me parapagesë, “Vodafone Albania” ofron një paketë të plotë uljesh për klientët me parapagesë, të cilët përbëjnë edhe përqindjen më të madhe të klientëve të kompanisë “Vodafone Albania”. Ulje e tarifave për telefonatat gjatë natës dhe orëve të para të mëngjesit. Tarifa më të ulëta për SMS-të kombëtare. Ulja e tarifave aplikohet edhe për programin tarifor “Roaming, Vodafone Passport”. Konkretisht, për thirrjet brenda rrjetit Vodafone, nga ora 7:00-22:00, çdo ditë të javës tarifat janë 38 lek për min, nga ora 22:00-7:00 çdo ditë të javës tarifat janë 30 lek/min. Ndërsa drejt Albtelekom dhe operatorëve lokalë, tarifat janë 38 lek/min, kurse drejt operatorëve mobil AMC janë 50 lek/min. Ndërsa për tarifat e SMS-ve brenda rrjetit Vodafon, tarifat e reja janë 15 lek/min, drejt operatorëve mobil janë 15 lek/min.