Kur vjen fjala tek meshkujt, motoja e Ivana Trump është: “Më mirë të jem një dado sesa një infermiere”. Prandaj dhe i dashuri i saj i fundit është një i fejuar-baby. Prandaj dhe ka zgjedhur që spektakli i saj më i ri, një show i vërtetë televiziv, të jetë tepër i vërtetë, i ngjashëm me jetën e saj. Nuk mund të bënte ndryshe një grua si Ivana Trump. Një mit i vërtetë, që me çdo gjë që bën arrin të bëjë gjithë bujën e mundshme.

Një shfaqjes “reality” që ajo e ka pagëzuar me emrin e vet: “Burri i ri i Ivanës”. Një shfaqje  ku përdoret eksperienca e një jete të tërë për të ndihmuar një 40-vjeçare beqare milionere të zgjidhte një të dashur të ri. Sepse kur vjen puna tek meshkujt, Ivana është një specialiste e vërtetë. E armatosur me dozën e plotë të cinizmit, shoqëruar me një fizik perfekt dhe me faktin që ka qenë gruaja e Donald Trump (gruaja e parë e tij, ajo e fuqishmja që e ndihmoi të ngrinte një biznes të suksesshëm) ajo është e vetmja që mund të ngrejë në këmbë një shfaqje të tillë. Ku sigurisht të gjithë duan të dinë se cili do të jetë burri i ri i Ivanës. Siç duan gjithmonë të mësojnë: ç’e ka bërë këtë femër të kthehet në një mit?

“Ne e duam Ivanën, sepse  ajo di saktësisht se çfarë do dhe nuk ka turp ta arrijë atë”,- thonë bashkëpunëtorët e saj. Kjo ka qenë në fakt motoja e saj gjatë gjithë jetës. Jo vetëm në jetën private, por edhe në atë profesionale. Nëse ka një grua që mund të ishte shembulli perfekt i profesionalizmit, nënës dhe ambiciozes në të njëjtën kohë, kjo mund të ishte vetëm Ivana Trump.

Ajo beson se puna e vështirë dhe besimi mund të të çojnë kudo. Ivana Trump është simboli i fundit i forcës, magjepsjes dhe natyrës materialiste. Ajo ka qenë në qendër të vëmendjes përreth 20 vjet dhe gjithmonë e ka ruajtur vendin e vet. Që nga konkursi i saj i atletikës kur ishte fëmijë, dhe në një aventuriere biznesi sot, Ivana gjithmonë ia ka dalë mbanë. Ivana Trump u rrit në Gottwaldov të Çekosllovakisë, një qytet në jug të Pragës. Kur ishte fëmijë, i ati zbuloi talentin e saj për atletikë dhe filloi ta stërviste duke u fokusuar tek të bërit ski. Në moshën 6-vjeçare ajo u bashkua me rrethin e skiatorëve dhe fitoi garën për zbritje. I ati e kuptoi se ajo kishte nevojë për një përqendrim më të madh në stërvitje dhe e futi Ivanën në një kamp komunist stërvitjeje, mjaft strikt për fëmijët sportistë, kur ajo ishte 12 vjeç. Ivana konkurroi në ski kur ishte në shkollë të mesme dhe vazhdoi të konkurronte edhe pas diplomimit. Shkurt, pas kësaj ajo takoi një skiator profesionist, Xhorxh Sirovatka, dhe ra në dashuri. Si Ivana edhe ai ishte një student në Universitetin Charles në Pragë si dhe një pjesëtar i skuadrës të skiatorëve në Çekosllovaki. Ivana ishte një skiatore fituese për universitetin dhe vendin e saj. Ajo fitoi një gradë masteri në edukimin fizik dhe gjuhësor. Më pas emigroi në Kanada, ku Xhorxh ishte duke e pritur. Ai kishte një dyqan me ski dhe me gjëra zbavitëse. Çifti udhëtoi së bashku dhe që të arrinin të bënin para, iu vunë sportit, të cilin të dy e donin shumë. Ata u bënë trajnerë dhe instruktorë për skuadrat e adoleshentëve skiatorë në fundjavë.  Por Ivana nuk mund të mjaftohej me kaq: ndërsa jetonin në Montreal, gjithë çka ajo ëndërronte ishte një karrierë.

Ajo filloi të modelonte për Andrey Morris, agjencia më e madhe e modeleve për atë kohë në Montreal. Në verë të 1976-ës agjencia e saj dërgoi modele të ndryshme në New York për promovimin e  lojërave olimpike të zhvilluara në Montreal. Një natë në qytet i çoi modelet në një restorant trendy të mbushur plot e përplot, ku ato u ulën menjëherë në një tavolinë speciale: u përshëndetën me një burrë të quajtur Donald Trump...

Ndërkohë që ishte e martuar me Donaldin, Ivana u bë zëvendës presidente e design-it të brendshëm për Organizatën e Trump. Ajo ishte përgjegjëse për gjithë design-in e brendshëm të gjendjes së vërtetë të Trump: hoteli “Grand Hytt”, kulla “Trump”, hoteli “Trump Plaza” dhe kazino në qytetin Atlantic, ku ajo supervizonte ndërtimet, dizenjot e brendshme dhe  përfundimisht menaxhonte projektin për Organizatën e Trump. Ivana ishte shefe ekzekutive dhe presidente e hotelit-kështjellë të Trump dhe kazinosë për katër vjet, dhe më pas shefe ekzekutive dhe presidente e hotel “Plaza” në New York për katër vjet. Nën drejtimin e saj, hotel “Plaza” u njoh si hoteli luksoz më i mirë në SHBA

Ndërkohë që martesa e tyre dhe problemet ishin botuar në faqet e para të publikimeve ngado, Trump u nda në 1990 dhe martesa e tyre përfundoi në divorc në vitin 1992. Megjithëse njerëzit mendonin se çfarë do të bënte Ivana pa Donaldin, ajo provoi se ajo mund të bënte më shumë se kurrë.

Sot ajo ka themeluar dy kompani- “Ivana Inc”, që menaxhon pamjen e saj dhe “Ivana Haute Couture”, që merret  me ****jet e produkteve të Ivanës të linjës kozmetike, aksesorë dhe aroma të ndryshme të ****ura kudo në internet. Kompania e Ivanës ka arritur në një biznes shumë miliona dollarë.  Për të ekspozuar produktet e saj, Ivana u shfaq në vende të tjera si tek Kanali i Dyqaneve Kanadeze. Kohët e fundit Ivana i shtoi dy projekte të reja rezymesë së saj. Pengesat e mëdha të saj u zgjidhën në Australi. Do të ishte zgjidhja më luksoze për udhëtarët klasikë të botës, të cilët do të donin një shtëpi Down-under për t’iu kënaqur paqes dhe qetësisë së gjetur në mjedisin magjepsës dhe emocionues. Dhe Ivana do të bëhej më vonë njeriu me popullaritet si prezantuese e spektaklit reality  “Burri i ri i Ivanës”.

Ivana menaxhon dhe aktivitete të tjera të sajat, duke përfshirë shfaqjen në fotografi dhe televizion si në Coors Light, Pizza Hut, Kentucky Fried Chicken, Cotton Inc., the Milk Campaign Canadian Lottery Campaign. Ajo gjithashtu ka bërë një shfaqje tek një film me metrazh të gjatë: “Klubi i parë i grave” dhe ka shkruar dy libra artistikë “Vetëm për dashurinë” dhe “I lirë për të jetuar”, si dhe një jo artistik “Më e mira po vjen”, ndërkaq që është duke shkruar “Pyet Ivanën”. Një libër që pritet të bëjë bujë sigurisht. Sepse të gjithë duan të mësojnë diçka nga një grua që ka nxjerrë moton “Mund të bësh pothuajse gjithçka”.