Artur Pashai: Si më shënjestroi policia, akuzat për drogë, pafajësia dhe vdekja e babait nga infarkti

GREQI

Historia e tij do të mund të bëhej film. Regjizorët më të famshëm mund ta bënin personazhin hero të filmave të tyre. Dashuri, ndjekje, drogë, rivalitet, burg dhe në fund, pafajësi. Por për emigrantin Artur Pashai, kjo tani duket se nuk ka shumë vlerë. Pas arrestimit të tij, babai i ka vdekur nga infarkti, të afërmit kanë ****ur shtëpinë në kryeqytetin shqiptar për ta ndihmuar që të dilte nga burgu. Pas 7 muajsh, i riu me origjinë nga Tirana, ka fituar lirinë dhe është dëmshpërblyer nga Greqia me 4 mijë euro. "Shumë pak, - tregon ai. Unë humba gjithça. Vetëm për një femër. Të gjithë e bëri ish-i dashuri i saj grek". Në një intervistë për gazetën greke "Ta Nea", ai ka treguar se është arrestuar për trafik droge, gjë që nuk ishte e vërtetë.

Sa kohë bëre burg?
7 muaj. Në 2001 më futën. U shkatërrova përgjithmonë.
Na e trego historinë.
Kisha një të dashur greke. Jetonim bashkë. Kurse fëmijën tim e kishte shqiptarja, e cila jetonte në Egjio. Kur shkova të shoh fëmijën, më ngritën një kurth. Më kapën. Unë isha i huaj, ç'të bëja.
Dua të më thuash me imtësi çfarë ndodhi atëherë...
Shkova të shoh fëmijën tim në Egjio, ku jetonim dikur. Kisha bërë edhe dy filxhanë për vajzën. Ja dhashë dhe sapo ika, erdhi policia. Më kapën dhe bënë kontroll në makinë.
Me çfarë akuze?
Se kisha drogë tek qoshja e një vile në Egjio. Këtë vilë e kishte një person nga Athina, i cili na e kishte lënë për ta ruajtur.
Ti dije gjë për drogën?
Çfarë të dija!? Sa më futën brenda më treguan drogën. Një polic më thotë - "është e jotja". "Merrini shenjat e gishtave", - u them. Por ata nuk donin ta bënin këtë. Ishte çdo gjë e planifikuar. Gjithsesi, shenjat i morën dhe rezultatet dolën pas 20 ditësh.
Pra, nuk u gjendën shenjat e tua të gishtërinjve në pakot me drogë?
Po si të gjendeshin?? Unë u thashë të merrnin shenjat e gishtave që të gjendej personi. Doja që ta kapnin atë që i kishte.
Kishe mosmarrëveshje me ndonjë njeri?
Kisha probleme me një grek nga Patra, sepse e dashura ime, Ana, kishte pasur me të lidhje prej 8 vitesh. Personi nga Patra merrte shpesh në telefon dhe kërcënonte. Madje, njëherë më la dhe takim, pasi i thashë të mos na shqetësonte më, por më nxori policinë, duke kujtuar se unë kam armë. Më kontrolluan e s'më gjetën gjë.
Donte të merrte hak për Anën?
Ana kur u nda me të, jetonte në një shtëpi sipër një karburanti. Ai vetë i vuri zjarr karburantit.
Këto janë të gjitha të shkruara në polici. Shiko se çfarë ndodhi: Kur isha në burg Ana më thotë: "Andrea, personi nga Patra është me shqiptaren, mikeshën tënde, i kanë parë bashkë". Nuk e besova. Paguam lekë dhe përgjuam telefonin e tij. Ishte e vërtetë. Kur Ana erdhi me mua, ai u lidh shqiptaren, nënën e vajzës sime. Në një prej telefonatave dëgjohet që i thotë: "Po the edhe një "a" të vrava!".
Përgjim i paligjshëm...
Po, por kasetat i çuam në gjyq. Isha në burg, çfarë mund të bëja tjetër!?
Më fol për gjyqin...
U bë në 7 nëntor të 2001. Dola i pafajshëm. Më dhanë dëmshpërblim 4 mijë euro. Por unë kisha humbur gjithçka. Babai im pësoi infarkt dhe vdiq. Familjarët e tjerë në Tiranë ****ën ç'kishin që të gjenin para për të më nxjerrë nga burgu.
Prandaj vazhdon përsëri gjyqet?
Po, ky është një gjyq "politik", u bë në maj. Kërkoj përsëri ato që humba. Ligji thotë deri në 10 mijë në ditë mund të marrësh. Dhe ta dish që ato që humba janë shumë para. Nënën time e kam lënë në rrugë. Kishim një shtëpi me tri dhoma në Tiranë, ku jetonte nëna ime, babai, vëllai im me nusen dhe fëmijët e tyre. E ****ëm.
Prej atëherë që dole, ke pasur probleme me policinë?
Një ditë në orën shtatë të mëngjesit në Ksilokastro bie dera. E hap dhe ishte policia. "Do vish me ne", më thonë. "Ç'ka ndodhur?", u them. U tremba. Ishin 5 makina të policisë. Më çojnë në rajon. Më pyesin: "Ke shkuar në Egjio këto ditë?". "Jo", u them, "isha në Athinë". Më çojnë me makina deri atje ku mbaron zona e Korinthias dhe më dorëzojnë tek Asfalia e Egjios.
Tashmë jeton vetë në shtëpi?
Jo, kam një peshk. Kam dy vjet me të. Kur shkoj ndonjëherë larg, në panaire, e marr me vete. Më vjen keq. Gjynah të mos ketë të hajë.
Marrë nga gazeta "Ta Nea"

 

-- Edited by Admin at 13:11, 2007-04-05