Pas rreth një muaj mungesë dhe një pune të kompletuar rehabilitimi, të enjten në mbrëmje Hulio Kruzi u kthye në fushë me skuadrën në testin miqësor ndaj Atalantës, në kujtim të Xhiaçinto Faketit. Ja çfarë ka thënë argjentinasi: "Tani ndihem mirë, pas një periudhe të gjatë me probleme. Sigurisht, nuk gëzoj ende formën më të mirë, por ndaj Atalantës shkoi mirë dhe miqësorja më shërbeu për t'u ambientuar me ritmin e ndeshjes. Kështu që mund të them se jam shëruar dhe tani duhet të punoj për të arritur formën më të mirë të mundshme. E vetmja keqardhje që ndiej, është ajo për Kambiason që ndjeu një shqetësim muskular pas një periudhe, gjatë së cilës kemi punuar bashkë për të kapërcyer dëmtimet tona. Sakaq, më ka ardhur keq edhe që kam qenë jashtë gjatë këtyre 25 ditëve, gjatë së cilave kemi luajtur ndeshje të rëndësishme, - vijoi Kruzi. - Fakti që nuk kam mundur të zbres në fushë për ta ndihmuar skuadrën, më ka rënduar shumë. Fusha më ka munguar me të vërtetë shumë. Për fat të mirë mbërriti kjo ndalesë, gjatë së cilës mund të punojmë dhe, njëkohësisht, edhe të pushojmë disi në kuadër të ndeshjeve të ardhshme të rëndësishme që na presin. Synimet tona janë të ecim përpara në Champions dhe të rikthehemi në vend të parë në kampionat." Gjatë këtyre ditëve janë thënë shumë gjëra për Interin, por ja si e mbron Kruzi skuadrën: "Është e vërtetë, na vjen keq sepse në disa raste flitet shumë dhe mjaft tifozë i dëgjojnë ato që thuhen e shkruhen. Jemi vetëm në fillim të një sezoni të gjatë dhe të vështirë, por rëndësi do të ketë të jemi përpara të gjithëve në fund të tij. Kemi disa detyrime të mëdha ndaj vetes sonë, ndaj klubit dhe tifozëve, duam ta fitojmë patjetër titullin dhe të paraqitemi shumë mirë në Champions."
__________________
none
Page 1 of 1 sorted by
TiRaNaWeB.NeT -> Sporti -> Sulmuesi argjentinas i Interit është vënë nën urdhrat e Mançinit pas dëmtimit
