shkrimi qe keni bere nuk i pershtet temes se hapur


A mund të më thoni?

Jam një mësues pensionist me vjetërsi pune 41 vite. Kam dalë në pension në vitin 1992. Aktualisht marr 106 000 lekë të vjetra, ndërsa një shok i imi, me më pak vite, i cili ka dalë në pension në vitin 1994, merr çdo muaj 140 000 lekë të vjetra.

Flitet vazhdimisht nga përfaqësues të sigurimeve shoqërore për rritje pagash. Vetëm për ne të para vitit `93 s`flet njeri e s`e çan kokën njeri, sikur ne nuk kemi një bark me ata që iu rritën pensionet, stomakun njëlloj e kemi, madje me më shumë probleme shëndetësore. Për arsye të moshës shpenzojmë më shumë për ilaçe, paçka se një pjesë janë të rimbursuara. Ju lutem, më sqaroni sa më saktë pse ndodh kështu dhe a duhet të ndodhë kështu me këto diferencime kaq banale. Ju lutem, të aktivizoni ndonjë specialist kompetent të na bindë për sa më sipër se ne nuk na mbushet mendja kaq kollaj me këto përllogaritje, me këto diferencime pa asnjë kuptim (sipas nesh).


I dashur lexues! Shqetësimi juaj përplaset me një mur ligjor që ne e kemi shpjeguar disi më parë. Por gjithsesi shqetësimin që ju e keni nisur me anë të letrës e paraqitëm pranë Institutit të Sigurimeve Shoqërore. Përgjigjja për rastin tuaj dhe për raste të ngjashme me të është se Duhet të keni parasysh që deri në vitin 1992 ka pasur paga të tjera dhe që pas vitit `94 kanë ndryshuar. Ndërkohë që përllogaritja për masën e pensionit është e ndryshme për vite të ndryshme dhe, për fat të keq, nuk ka barazi pensioni në vite të ndryshme. Ju keni përfituar pension në vitin 1992 dhe përllogaritja e masës së pensionit tuaj është bërë në bazë të ligjit 4 171, datë 13.09.1966, me ndryshimet përkatëse në përmirësim që është bërë. Ndërkohë që pas datës 01.10.1993 ka vepruar ligji 7 703, datë 11.05.1993, për sigurimet shoqërore.
***
Në rastin tuaj, përllogaritja e pensionit është bërë duke llogaritur 70% të pagës mesatare të tri viteve më të mira në 10-vjeçarin e fundit. Ndërkohë që shokut tuaj që ka një masë pensioni më të lartë se juaja, përllogaritja e pensionit është bërë duke llogaritur 75% të pagës mesatare të tri viteve më të mira në 10- vjeçarin e fundit. Duke marrë parasysh këtë mënyrë llogaritjeje dhe faktin që pagat pas `92-**** kanë ndryshuar, nuk mund të kërkoni që të keni një masë të njëjtë pensioni. Kjo është një përllogaritje që bëhet në bazë ligjore dhe nëse ju keni dyshime (jo për krahasime pensionesh në vite të ndryshme), por dyshime për masën e pensionit, atëherë me të dhëna të sakta tuajat mund të drejtoheni pranë Zyrës Rajonale të Sigurimeve Shoqërore të qytetit tuaj për të kërkuar të drejtën tuaj.

-- Edited by Admin at 15:42, 2006-11-15