Qeveria pritet të përcaktojë tre kushtet për kompaninë e telefonisë fikse

Kusht për Çalik, mos s hitja e Albtelekomit

Zv.ministri Bojaxhi përfaqësuesi i qeverisë

Qeveria shqiptare ka piketuar tre kushte themelore, për të ligjëruar kontratën e s hitjes së “Albtelekom” kompanisë turke “Çalik Enerji Telekomunikasyon A.S” (CETE). Burime tepër të besueshme në Ministrinë e Ekonomisë dhe në Kryeministri, bënë të ditur dje për “Gazetën Shqiptare”, se tre do të jenë problemet në fondamentale që do të diskutohen në negociatat me palën e turke, të cilat do të mundësojnë edhe ridimensionimin e të gjithë bazës ligjore të kësaj kontrate. Pika e parë do të jetë çështja e romingut, pika e dytë vendosja e penaliteteve që kompania turke “Çalik”, që të mos mund ta rishesë “Albtelekomin” për një afat të caktuar kohor, ndërsa pika e tretë ka të bëjë me vendosjen e disa kushteve, në mënyrë që “Çalik” të plotësojë treguesit e operatorit strategjik. Bisedimet për rishikim e kontratës mes qeverisë shqiptare dhe kompanisë turke Çalik, pritet të nisin shumë shpejt. Gjithçka sa i përket kompletimit të kontratës së rishikuar për s hitjen e “Albtelekom”, mes qeverisë shqiptare dhe turqve të “Çalik”, duhet të realizohet brenda 6 muajsh.
Romingu
Një mangësi e evidentuar nga firma çeke “DELOITTE Czech Republic”, gjatë kontrollit të ushtruar për ligjshmërinë e kontratës së sh itjes të “Albtelekom”, ka qenë marrëveshja e lidhur për të drejtën e romingut me “Çalik”-un. Kjo pikë e kontratës binte në kundërshtim me legjislacionin vendas, por edhe me atë ndërkombëtarë, si dhe shkelte veprimtarinë e rrjeteve publike të telekomunikacioneve, në veçanti të kompanive celulare. Kërkesa për forcimin e sistemit roming është përfshirë në marrëveshje nga Ministria e Ekonomisë, si pasojë e kërkesës së “Çalik”. Vodafon, është deklaruar se është shkelje licencës së tij kjo çështje, sepse favorizohet operatori i tretë (“Eagle Mobil”) në kurriz të dy operatorëve ekzistues, (AMC- Vodafon). Pala shqiptare do t’i kërkojë “Çalik”, që të ndërtojë vetë sistemin e forcimit të romingut, duke ngritur antena në gjithë vendin, në mënyrë që t’i krijojë vetë akses operatorit të saj “Eagle Mobil”. Por kjo nga ana tjetër do të rriste koston e investimeve të “Çalik”. Nuk dihet sesi do të reagojë pala turke ndaj kësaj kërkese.
Rish itja
Problem tjetër është vendosja e penaliteteve, të cilat nuk lejojnë rish itjen e “Albtelekom” për një afat kohor nga ana e kompanisë “Çalik”. Duke pasur parasysh se çfarë ndodhi me licencën e kazinosë, e cila u ble nga një kompani amerikane Hajat dhe brenda 2 muajsh iu sh it një kompanie shqiptare “Regency”, qeveria shqiptare ka menduar që kjo praktikë të mos ndodhë me “Albtelekomin” ku, pasi të privatizohet, brenda dy muajsh të dalë në treg për tu rishi tur. Qeveria do të kërkojë vendosjen e disa masave progresive shtesë në kontratë, që përfshin detyrimisht investime thelbësore të kompanisë “Çalik”, në drejtim të telefonisë fikse dhe asaj mobile.
Certifikata
Po kështu, qeveria ka parashikuar që “Çalik” të plotësojë edhe disa tregues, në mënyrë që të përmbushë kriteret si operator strategjik. Çalik duhet të disponojë certifikatën ‘ISO 9000’. Kjo certifikatë jepet për të siguruar standardin dhe cilësinë e një kompanie. Mbi të gjitha, është një kriter për të plotësuar kushtin investitor strategjik. Ne dosjen e “Çalik” nuk ka dokumentacion që të tregojë se kërkesat për “ISO 9000” janë përmbushur.