SHKUP. Ministria e Ekonomisë e Maqedonisë njoftoi sot se do të nisë një procedurë për organizimin e një takimi ministror në Maqedoni brenda këtij viti, për të nënshkruar marrëveshjen për naftësjellësin AMBO. Në njoftimin e Ministrisë thuhet se para dy vitesh është nënshkruar një memorandum ku saktësohet që periudha maksimale për fazën përgatitore nuk duhet të jetë më shumë se tre vite. Po ashtu, sipas njoftimit, në marrëveshjen e ardhshme do të përcaktohen të drejtat dhe detyrimet e vendeve pjesëmarrëse.

17:32

UASHINGTON. Ekonomia amerikane krijoi 51.000 vende të reja pune në shtator pas 188.000 vendesh të krijuara në gusht, ndërsa përqindja e papunësisë është ulur në 4,6 për qind të popullsisë aktive, kundrejt 4,7 për qind që ishte muajin paraardhës, njoftoi sot Departamenti i Punës. Ky është niveli më i ulët që prej tetorit 2005 dhe një zhgënjim për analistët që flisnin për rreth 120 000 vende të reja pune. Ky raport pritej me padurim, sepse tregjet po shtrojnë pyetje lidhur me rënien e ekonomisë.

17:14

BUDAPEST. Afro 50 000 manifestues ishin mbledhur sot në orën 16:40 në rrethinat e parlamentit në Budapest për të kërkuar dorëheqjen e kryeministrit socialist, Ferenc Gyurcsany, konstatoi një gazetar i AFP-së.

17:09

BRATISLAVË. Afro 8 milionë paketa cigaresh kontrabandë që vinin nga Kina u sekuestruan në portin lumor të Bratislavës në Danub, me një vlerë prej 658 milionë eurosh, njoftuan sot burime doganore sllovake. Të fshehura në një kontenier të mbushur me kuti çorapesh, paketat e cigareve të markës amerikane, ishin të shkruara në frëngjisht, sipas drejtorit të Doganave të Bratislavës, Peter Toth. "Malli mbërrti në territorin e BE-së në një garaZh kontenierësh në Hamburg, ndërsa kaloi tranzit nga Republika Çeke", tha ai.

16:47

VLORË. Në qytetin e Vlorës u përkujtua sot 70 vjetori i krijimit të Bibliotekës Publike "Shevqet Musaraj". Me këtë rast, në mjediset e saj u zhvillua një ceremoni me pjesëmarrjen e intelektualëve vlonjatë, dashamirësve të librit, të kulturës, përfaqësuesve të Ambasadës së SHBA-së në Tiranë, etj. Ministri i Turizmit, Kulturës, Rinisë e Sporteve, Bujar Leskaj, theksoi se "krijimi i këtij institucioni të informimit publik ishte një sinjal drejt një epoke moderne".

16:04

TIRANE. Gjykata e Tiranës vendosi sot masën e sigurisë “arrest me burg” për të pandehurit Dorjan Aliko, 20 vjeç, Elis Mata, 23 vjeç dhe Jeton Abazi, 21 vjeç, që të tre banues në Tiranë, që akuzohen për grabitjen e disa argjendarive në Tiranë . Vendimi u dha nga gjyqtarja Ariana Caco, pas kërkesës së paraqitur nga prokuroria. Sipas akuzës, “personat e mësipërm, në bashkëpunim me shtetasin Ervin Aliko, dyshohet se kanë vjedhur në mënyrë të përsëritur një argjendari në rrugën “Haki Stërmilli”, duke shkaktuar një dëm prej 2.000.000 lekësh”.

14:56

MOSKE. Rusia dëboi me nje avion emigrantët e paligjshëm gjeorgjianë, në një goditje të fundit kundër fqinjit të saj jugor, deklarojnë zyrtarët.Të dëbuarit gjeorgjianë u dërguan në një aeroport ushtarak në periferi të Moskës dhe u hipën në një avion me destinacion Tbilisin. Zyrtarët nuk dhanë hollësira lidhur me numrin e gjeorgjanëve që ndodheshin në bord.

08:58

GJEORGJI. Partia në pushtet në mes të një embargoje të fuqishme ruse, kryeson zgjedhjet lokale që u zhvilluan njoftoi presidenti Sakashvili. Lëvizja Kombëtare fiton afro 70 për qind të votave në Gjeorgji pohoi presidenti. Ndërsa, sipas sondazheve në dalje të qendrave të votimit realizuar nga organziata jo-qeveritare, partia presidenciale fiton 56 për qind të votave.

08:55

BOLIVI. Të paktën 12 persona u vranë dhe 57 të tjerë u plagosën pas përleshjeve të ashpra mes disa të miturve dhe të papunëve në minierën e kallajit njoftoi ministrja e Brendshme duke shtuar se bilanci mund të rëndohet pasi ka shumë të plagosur. Qeveria e Evo Moralesit vlerësoi se këto përleshje ishin rezultat i një dhune të pakuptimtë dhe vëllavrasëse.

08:55

BOLIVI. Të paktën 12 persona u vranë dhe 57 të tjerë u plagosën pas përleshjeve të ashpra mes disa të miturve dhe të papunëve në minierën e kallajit në Huanuni njoftoi ministrja e Brendshme duke shtuar se bilanci mund të rëndohet pasi ka shumë të plagosur. Qeveria e Evo Moralesit vlerësoi se këto përleshje ishin rezultat i një dhune të pakuptimtë dhe vëllavrasëse.

21:15

TIRANE. Në Aeroportin Ndërkombëtar "Nenë Tereza", në Rinas, u zhvillua sot ceremonia e pritjes së Kontigjentit të 7-të Paqeruajtës në Irak. Ai përbëhet nga 120 trupa, nga të cilët 13 oficerë, 47 nënoficerë dhe 60 ushtarë profesionistë, nën drejtimin e major Arben Kinxhit. Kontigjenti ynë është renditur përkrah koalicionit "Liria e Irakut" dhe ka shërbyer në Mosul. Gjatë periudhës prill-tetor 2006, trupat tona kanë kryer detyra të rëndësishme si: ruajtje objektesh të rëndësisë së veçantë, patrullim, shoqërim personalitetesh etj. Ata kanë përmbushur me sukses objektivat e caktuara dhe janë dalluar përkrah partnerëve të tjerë në mision.

21:14

PRISHTINË. Shefi i Zyrës Britanike në Prishtinë, David Blunt, deklaroi sot se "janë të qarta avantazhet e një zgjidhjeje të shpejtë të statusit të Kosovës". Pas një takimi të përfaqësuesve të vendeve të Grupit të Kontaktit në Prishtinë me Kryeministrin e Kosovës, Agim Çeku, ambasadori britanik, Blunt, duke komentuar "disa spekulime" rreth kalendarit të procesit për statusin final të Kosovës, vërejti se deklarata e fundit ministrore e Grupit të Kontaktit "e bën të qartë se do bëhen të gjitha përpjekjet për të arritur një marrëveshje brenda vitit 2006".

21:12

KORÇE. Një 17 vjeçar nga rrethi i Gram**** u ndalua nga seksioni i luftës kundër trafiqeve njerëzore në Drejtorinë e Policisë së Korçës me akuzën e dhënies së ndihmës për kalim të paligjshëm të kufirit të një shtetasi algjerian për qëllime fitimi. Burime zyrtare të policisë rajonale, bënë të ditur se 17 vjeçari me inicialet V.Y, banues në fshatin Snosëm të rrethit të Gram****, u ndalua sot me akuzën "dhënie ndihme për kalim të paligjshëm të kufirit".

18:38

ATHINË. Greva e mijëra mësuesve grekë bllokoi sot për orë të tëra trafikun në pjesën qendrore të Athinës duke lënë dhjetëra turistë të huaj të bllokuar me bagazhet e tyre në rrugët e mbyllura të kryeqytetit. Arsimtarët kërkojnë rritjen e rrogave të tyre dhe akuzojnë qeverinë për mosmbajtje të premtimeve elektorale lidhur me shtimin e buxhetit të shtetit për arsimin. Policia deklaroi se rreth 10 000 pjesëmarrës shkaktuan protestën më të madhe në vend prej vitesh.

17:27

PUKË. Policia e Pukës ndaloi sot tre vëllezër, pasi akuzohen për tentativë vrasjeje, në bashkëpunim me njëri - tjetrin. Burime zyrtare nga policia lokale bënë të ditur se vëllezërit Kastriot, 17 vjeç, Ylber, 25 vjeç, dhe Prengë Vocrri, 28 vjeç, banorë të fshatit Kryezi të rrethit të Pukës janë ndaluar sot, pasi, në bashkëpunim me njëri - tjetrin, kanë tentuar të vrasin me armë zjarri shtetasin Gjovalin Cuku, 43 vjeç, Dedë Cuku, 28 vjeç, të dy banorë të qytetit të Fushë Arrëzit dhe Gjergj Cuku, 24 vjeç, banues në fshatin Kryezi të rrethit të Pukës. Sipas burimeve, ngjarja ka ndodhur pas një konflikti mes tyre për motive të dobëta. Pas hetimeve paraprake në vendngjarje, policia ka sekuestruar në cilësinë e provës materiale një gëzhojë metalike, ndërsa po punohet për gjetjen e armës së krimit.