Festivali i Filmit shqiptar

Festivali “dehet” me Birra Korça

Aktorët: Birra Korça? E mrekullueshme, si e dikurshmja

Në çadrën VIP të vendosur në oborrin e Teatrit Kombëtar, aktorët shqiptarë kanë shijuar Birrën Korça, teksa diskutonin me njëri-tjetrin për filmat dhe dokumentarët e shfaqur në Festivalin kombëtar të Filmit.

Në fakt, pjesëmarrja e Birrës Korça në çadrën VIP është kërkuar nga organizatorët e festivalit dhe është mirëpritur nga drejtuesit e kompanisë për të promovuar Birrën Korça në këtë aktivitet. Fushatën promovuese, birra elitare e ka filluar pikërisht me elitarët, aktorët. Promovimi është filluar me artistët, jo vetëm për faktin që një pjesë e tyre janë korçarë, por edhe sepse shumë nga ata kanë luajtur filma në qytetin brilant të Korçës. “E mirë, e lehtë dhe me shijen e mrekullueshme që ka pasur dikur”. Kështu e kanë përkufizuar aktorët Birrën Korça, duke u shprehur se ka shije të njëjtë me birrën e famshme që ka qenë më parë.

Birra Korça
Birra Korça është tashmë duke prodhuar birrën e zezë. Drejtuesit e kompanisë shpresojnë që në fund të muajit të dalë në treg edhe birra e zezë, atë që shumë shqiptarë e mbajnë mend. Birra e zezë mbahet më shumë mend nga dy qytete që janë në veri dhe në jug të vendit, siç është Lezha me Gjirokastrën, që mezi po e presin dhe e kanë kërkuar me këmbëngulje. Viti 2007 do e gjejë Birrën Korça në vendin që i takon si një birrë elitare shqiptare dhe si një pije që është kërkuar nga njerëzit që të rikthehet. Dihet që Birra Korça është birra e parë shqiptare që në vitin 1928 dhe pretendojmë që kjo birrë t’i takojë asaj ndjesie që presin njerëzit nga prej saj. Birra Korça është një birrë pils me karakteristikën dhe shijen e saj dhe që vjen tek konsumatori shqiptar nëpërmjet një teknologjie çeke e prodhimit të dhjetorit të 2005-ës. Do të jetë e njëjta Birrë Korça që ka qenë më parë, pa asnjë ndryshim, madje mund të quhet më e mirë, sepse asaj teknologjie të vjetër dhe artizanale ia ka lënë vendin teknologjia supermoderne.

• Kiço Londo, regjisor
  “E kam provuar gjatë këtyre ditëve dhe më ka pëlqyer. Është një birrë shumë e lehtë. Më vjen mirë që është rikthyer në treg, për vetë faktin se në ndryshim nga birrat e tjera, ka një shije të veçantë. Uroj që së shpejti të zërë vendin që i takon”, ka theksuar Kiço Londo.
  
• Skender Sallaku, aktor
  Aktori i njohur, Skënder Sallaku, e ka cilësuar Birrën Korça si më të mirën në treg. “Birra Korça është më e mira që ka dalë në treg. Ajo e ka të siguruar suksesin e saj, pasi është shumë cilësore dhe tepër e lehtë. Eshtë shumë më e mirë sesa birrat e prodhuara në vend dhe sesa birrat që importohen”, theksoi Sallaku.
  
• Ilir Bezhani, regjisor
  Regjisori, Ilir Bezhani, ka bërë një krahasim ndërmjet Birrës Korça dhe birrave të tjera që janë në treg, duke theksuar se Birra Korça ka cilësi shumë herë më të mirë. “Kemi që pardje që pijmë Birra Korça, madje është shumë e mirë, nuk ka ligësirë, thartirë që kanë disa birra të tjera. Nuk e di se si ka qenë, pasi nuk mbaj mend të kem pirë birra të tilla, por them që përafërsisht shija duhet të jetë e njëjtë me Birrën e dikurshme Korça. Shpresoj që të mbajë të njëjtën shije edhe në të ardhmen”, u shpreh Bezhani.
  
• Mehdi Malkaj, aktor
  Aktori i njohur, Mehdi Malkaj, teksa përgëzonte rikthimin e Birrës Korça nuk ka lënë pas humorin e tij të hollë. “Unë mendoj që zotërinjtë, të cilët kanë rikthyer traditën e Birra Korça, janë shumë seriozë dhe sigurisht do të vazhdojnë më tej në këtë linjë. Kjo birrë prodhohet në mënyrë artizanale, ndaj nuk ka djegësirë, thartirë...Por Birra Korça do dhe një femër ta kesh afër”, është shprehur aktori i njohur i humorit, Malkaj.
  
• Sokol Angjeli, aktor
  “Kjo biondja është e lezetshme, është interesante; nuk e di nëse do të bëni edhe të zezën, se atëherë me sa mbaj mend unë ka qenë me e errët Birra Korça, në tharmin e saj ka qenë pak më e athët, nuk ka djegësirë, por më e lezetshme ishte kur pihej në Korçë dhe shoqërohej me kërnacka. Sikur të funksionojë e tillë, do të jetë akoma më mirë”, është shprehur aktori Sokol Angjeli, teksa shijonte Birrën Korça në çadrën VIP.

Ibrahim Muça, Regjisor
“U gëzova shumë që pashë Birra Korça në treg, sepse shumë, shumë vite më parë kjo birrë zinte vendin e parë në Shqipëri, për nga cilësia dhe uroj që të ketë po atë traditë. Madje, mbaj mend se dikur (ndoshta kjo mund të duket për të qeshur) zinim radhë pasi mungonte birra, siç mungonin shumë gjëra të tjera. Uroj që të ketë cilësi, atë frekuentim dhe të jetë një birrë e mirë siç ka qenë, madje edhe më e mirë”, është shprehur regjisori i njohur, Ibrahim Muça.