Java është gjuhë programuese e orientuar në objekte e cila është pas zhvilluar në fillim të viteve 1990-ta nga James Gosling dhe kolegët e tij të kompanisë Sun Micrososytems.

Në dallim nga gjuhët tjera programuese, Java as nuk kompilohet në kod të makinës, e as nuk interpretohet gjatë ekzekutimit, por kompilohet në çka është e njohur si "bytecode", që pastaj është i ekzekutuar nga makina virtuale e Javas.

Fillimisht Java filloi si projekt me emrin "Oak" nën udhëheqjen e James Gosling më Qershor 1991. Gosling kishte për qëllim të bënte implementimin e makinës virtuale, si dhe realizimin e një gjuhe që do të kishte ngjashmëri me gjuhën programuese C, por në anën tjetër do të kishte njëtrajtshmëri dhe thjeshtësi më të madhe se gjuha programuese C dhe ajo C++.

Lëshimi i parë publik i Javas që sipërfaqësoi më 1995 ishte i njohur me emrin Java 1.0. Ky version e përmbushi premtimin "Write Once, Run Anywhere" (WORA), dhe ishte relativisht i sigurt, duke ofruar mundësi për të ndryshuar parametrat e sigurisë, si dhe duke lejuar kufizimin e qasjes të skedave nëpërmjet rrjetit. Pas këtij lëshimi, nuk kaloi shumë kohë deri sa ueb-shfletuesit kryesor e përfshinë Javan, ku ky hap ndikoi në rritje të shpejt të popullaritetit të saj.