Barça interesohet për K.Alonson
Zërat nga shtypi spanjoll bëjnë të ditur për një interesim të Barcelonës për mesfushorin e Liverpulit, Ksabi Alonso. Drejtuesit katalanas që e kanë ndjekur edhe më parë futbollistin, kanë mbetur të magjepsur nga paraqitja e tij në ndeshjen ku anglezët mundën 2-1 Barcelonën në "Kamp Nou". Spanjolli që më parë ka luajtur me Sociadadin, është një nga "kanakarët" e trajnerit Benitez, por mund të largohet nga "Anfild Road" për arsye financiare.



Trajneri i Barcelonës, Frenk Rajkard, nuk i zë besë Bilbaos, kundërshtarit të sotëm në "Kamp Nou". Pavarësisht nga pozicioni në klasifikim, Frenk Rajkard shprehet se duhet shumë punë për të mundur skuadrën "baske". Holandezi tha për ekipin e drejtuar nga Hoze Manuel Esnal Mano: "Duhet të jemi në një ditë të mirë dhe të bëjmë një punë kolosale për të marrë tri pikët. Bilbao është një kundërshtar i rrezikshëm me futbollistë të talentuar. Për t'i mposhtur, duhet të bazohemi te puna." Rajkardi është i vetëdijshëm që Barcelona është e detyruar t'u rikthehet fitoreve në "Kamp Nou", pas dy humbjeve radhazi. "Kështu është futbolli, - vazhdoi ai. - Kur gjatë një ndeshjeje nuk punon mirë, nuk ke si të mos jesh dobët. Gjithsesi, kjo është një ndeshje tjetër, në të cilën futemi me një motivim të ri.
Eto - Sulmuesi kamerunas, Samuel Eto, është rikthyer në skuadrën katalanase pas mungesës në dy humbjet me Valencian dhe Liverpulin. 24-vjeçari pritet të luajë ndaj Bilbaos minutat e para, pas katër muajve pushim. Ndeshja e tij e fundit ka qenë barazimi 0-0 ndaj Osasunës në tetor. "Eshtë gati për të luajtur, - tha Rajkardi për afrikanin. - Ndihet mirë dhe është një përforcim për skuadrën, por duhet të jemi të kujdesshëm. Vjen pas katër muaj dëmtim dhe duhet të vlerësojmë me kujdes minutat që ka në këmbë. Eshtë normale që do t'i duhet pak kohë për t'u ambientuar me ritmin e ndeshjes." Përveç Etosë, Rajkardi ka grumbulluar të gjithë futbollistët me tipare sulmuese për takimin e sotëm: Ronaldinjon, Lionel Mesin, Havier Saviolën, Eidur Gudjohnsenin dhe Ludovik Zhylin. Do të mungojnë Deko dhe Zambrota të skualifikuar, ndërsa Juliano Beleti është i padisponueshëm pas dëmtimit të pësuar ndaj Liverpulit. "S'mund që qahemi për mungesat, - tha trajneri i kampionëve të Spanjës. - Kam një skuadër me përbërje të gjerë dhe futbollistë që punojnë mirë në stërvitje. Nesër (sot) do të kenë shansin e tyre."
Ronaldinjo - "Eshtë një futbollist që ka pasur gjithmonë një rendiment të lartë. Kam shumë besim tek ato që mund të bëjë dhe duhet të jemi të lumtur që e kemi në skuadër. Unë e shoh si zakonisht, të qeshur dhe aspak të shqetësuar. Sipas meje, nuk ka asnjë problem." Me këtë mënyrë, Frenk Rajkard ka dashur t'u japë fund zërave që qarkullojnë në shtypin spanjoll për një Ronaldinjo të stresuar, i cili nuk është më i lumtur në Barcelonë. "Nuk i kuptoj kritikat ndaj dikujt që ka dhënë kaq shumë për klubin. "Elozhet" mbi Ronaldinjon duhet të vijnë duke parë trofetë që ai i ka dhënë kësaj skuadre, - përfundoi Rajkardi. - Habitem sesi njerëzit ndryshojnë kaq shpejt mendim."


Primera Divizion, java e 24-t
Dje
Sociedad Deportivo x-x

Atletiko M Real M x-x

Sot
(17:00) Levante Saragoza
(17:00) Selta Santander
(17:00) Betis Rekreativo
(17:00) Vilarreal Majorka
(17:00) Osasuna Espanjol
(17:00) Getafe Sevilja
(19:00) Gimnastik Valencia
(21:00) Barcelona Bilbao

Renditja
1.Barcelona 13 7 3 46 20 46
2.Sevilja 14 4 5 44 22 46
3.Valencia 13 3 7 34 22 42
4.Real M 13 3 7 30 19 42
5.Atletiko M 11 6 6 29 20 39
6.Saragoza 11 5 7 35 24 38
7.Rekreativo 11 3 9 33 30 36
8.Getafe 10 5 8 21 16 35
9.Espanjol 8 8 7 24 25 32
10.Santander 8 8 7 24 27 32
11.Osasuna 9 3 11 30 29 30
12.Deportivo 7 9 7 18 25 30
13.Vilareal 8 5 10 20 29 29
14.Betis 6 8 9 23 28 26
15.Levante 6 8 9 21 31 26
16.Majorka 7 5 11 21 33 26
17.Bilbao 6 7 10 26 31 25
18.Selta 6 7 10 24 32 25
19.Sociedad 2 8 13 13 30 14
20.Gimnastik 3 4 16 24 47 13