Fergusonin po e shqetësojnë vazhdimisht zërat që vijnë nga Real Madridi dhe Barcelona për lojtarin e tij. Trajneri i Junaitidit deklaroi: "Ronaldo e di që këtu mund të fitojë gjithçka. Jashtë shtetit mund të ketë favore për sa i takon klimës, por në "Old Trafford" luan me një stadium plot me 76 mijë veta. Kjo gjë nuk ndodh me gjigantët spanjollë, por vetëm në ndeshje të mëdha. Ndërsa te ne është plot çdo javë". Fergusonin e kapi frika këtë javë për ndonjë parakontratë të mundshme të Ronaldos me Barçën, kur agjenti i portugezit u takua me drejtorin e klubit katalanas, Çiki Begiristain. Ferguson shton: "Mendoj se agjenti thjesht u mundua të fitonte reputacion". Barça dhe Reali janë gati të paguajnë sado për të marrë 22 vjeçarin Ronaldo dhe madje mund të kalojnë shifrën 47 milionë stërlinave që Reali pagoi për Zinedin Zidanin para gjashtë vitesh. Por Junaitido do t'i ofrojë Ronaldos një kontratë të re pesëvjeçare me vlerë 26 milionë stërlina, për ta lidhur në "Old Trafford" deri më 2012-n.