Kryetari i Partisë Socialiste, Edi Rama, mbështeti dje biznesin vendas për t’u bërë pjesëmarrës në rishi tjen e Albtelekomit.

Këtë qëndrim Rama e mbajti takimit në selinë e PS-së me shefin e Misionit të FMN-së për Shqipërinë, Istvan Szekely. “Diskutuam edhe çështjen e Albtelekomit, që është një çështje më rëndësi për vendin tonë. Patëm kënaqësi t’u bëjmë prezente pikëpamjen tonë partnerëve ndërkombëtarë qëndrimin se, ndërkohë që kontrata është e ezauruar dhe nuk është më ë vlefshme dhe nuk ka asnjë arsye pse të mos merret në konsideratë një propozim i komunitetit sipërmarrës vendas për të hyrë në procesin e privatizimit me të drejta të barabarta me të tjerët. Gjë për të cilën me kënaqësi dëgjuam se FMN do të marrë informacion nga të gjitha palët”, tha Rama. Sipas Ramës, “çështjet e një rëndësie që i kalojnë kufijtë e partive politike për të ardhmen e vendit nuk duhet të kthehen në pengje të politikës së ditës”. Kreu socialist e ka konsideruar të ezauruar dhe ka pranuar anulimin e kontratës së shi tjes së Albtelekomit të firmosur një vit më parë nga qeveria socialiste. Kontrata e nënshkruar nga qeveria “Nano” me kompaninë turke “Çajlik” është hapur për rinegociim nga qeveria “Berisha”, e cila më parë kishte akuzuar ish-kryeministrin socialist për afera korruptive me kompaninë turke. Duke theksuar rëndësinë e këtij takimi, kreu socialist vlerësoi faktin se “FMN konsultohet edhe me pikëpamjet e opozitës lidhur me të gjithë fushën e veprimtarisë së vet”. Në këtë drejtim, Rama u shpreh se “gjatë takimit shkëmbyen dhe gjetën pikëpamje të përbashkëta për një sërë çështjesh me rëndësi kombëtare”. “Ne shprehëm domosdoshmërinë për privatizimin e rrjetit shpërndarës së KESH-it si e vetmja rrugë për të zgjidhur një pjesë të mirë të problemeve të kësaj korporate, e cila nuk mund të jetë peng i zhvillimeve dhe i ndryshimeve politike”, tha Rama. Ai theksoi se “opozita do të punojë bashkërisht me FMN-në edhe për hartimin e një politike më efektive dhe më largpamëse për menaxhimin e borxhit të brendshëm”. 

Rama në Elbasan: PS, “Fletëdëgjesa” në çdo portë

Partia socialiste nuk ka kundërshtarë në Tiranë dhe fitorja është e sigurt nga ana numerike. Kryetari socialist Edi Rama gjatë përurimit të rikonstruksionit të selisë së PS-së së qytetit Elbasan, u shpreh se “ne socialistët nuk kemi nevojë për një fitore aritmetike sepse kjo është e garantuar nga fakti se opozita është shumicë në popull, opozitë që në ditën e saj më të keqe ka marrë 100.000 vota më shumë”. “Ne duam një fitore morale, një fitore qytetare si shprehje e ambicies qytetare për një politikë të re, si shprehje e refuzimit të përgjithshëm publik ndaj politikës së vjetër të kësaj qeverie ilegjitime dhe këtij Kryeministri”, tha Rama. Kreu socialist u shpreh se të rinjtë e FRESSH-it do të shpërndajnë “Fletëdëgjesa” në të gjithë Shqipërinë, duke ndërtuar kështu disa rrugë komunikimi me qytetarët, duke trokitur derë më derë, por dhe në pika konsultimi në rrugë.

Informacioni eshte marre nga Gazeta Panorama