“Vizitat” e shumta të këtyre ditëve në Universitetin e sapohapur të Durrësit, “Aleksandër Moisiu”, janë shoqëruar edhe me incidente. Një studente e këtij universiteti ka mbetur e plagosur rëndë, pasi është përplasur nga një motor i cili po ecte me shpejtësi, në përpjekje për të sajuar edhe pak spektakël. Nga kjo ngjarje ka mbetur e plagosur 26-vjeçarja Entela Dragoti. Policia e Durrësit arrestoi pas aksidentit, Ilir Kociljen, banues në lagjen Nr 3 të qytetit të Durrësit. Sipas policisë, arrestimi i tij u krye, se në mesditën e djeshme, teksa lëvizte me motorin e tij të markës “APRILIA 49 cc”, në rrugën e Currilave, ka aksidentuar 26-vjeçaren Entela Dragoti, e cila në atë moment po lëvizte në këmbë përgjatë kësaj rruge. Vajza është dërguar pa ndjenja në spital dhe ndodhet në gjendje të rëndë shëndetësore, për shkak të plagëve të pësuara nga aksidenti