Demokratët kanë përcaktuar piketat krye
sore të strategjisë së tyre për të përballuar kandidimin në kryeqytet, që do të jetë edhe përballja më e vështirë e zgjedhjeve të ardhshme vendore. Formalisht, për të garuar përballë kryebashkiakut Edi Rama, i cili është edhe figura qendrore e opozitës, është skicuar nga demokratët ministri i Brendshëm, njëkohësisht edhe kryetar i PD-së së kryeqytetit, Sokol Olldashi.
Për të legalizuar kandidaturën e Ollda****, duhet pritur edhe vendimi i forumeve drejtuese të PD-së. Ky fjalëkryq do të zgjidhet brenda datës 20 nëntor, kur është vendosur edhe afati nga kryesia e PD-së për përzgjedhjen e të gjitha kandidaturave që do të garojnë në zgjedhjet vendore. Përpara se të mbërrihet në zgjidhjen përfundimtare, mësohet se lidershipi i PD-së ka skicuar në vija të trasha edhe skemat për të përballuar efektet e kandidimit të Ollda**** kundër kreut të opozitës, Rama. Këto skema parashikojnë si krijimin e kushteve të favorshme për Olldashin për të përballuar garën elektorale dhe për ta pasur nën kontroll atë, ashtu edhe në rastin e një fitoreje të mundshme.
Mandati
Burime të besueshme brenda PD-së bëjnë të ditur se në rast se demokratët do të paraqiten në Tiranë me kandidaturën e Ollda****, ky i fundit nuk do të jetë i shtrënguar të lërë postin e ministrit të Brendshëm që mbulon në fakt edhe pushtetin vendor. Olldashi, në bazë të Kushtetutës, është i detyruar që të jap dorëheqje vetëm nga mandati i deputetit që fitoi në Shijak në zgjedhjet e përgjithshme të 2005, duke ndjekur shembullin e Spartak Ngjelës, i cili kur garoi përballë Ramës për Bashkinë e Tiranës, dha paraprakisht dorëheqje nga mandati i deputetit. Por fakti që Olldashi do të japë dorëheqje nga mandati i deputetit, nuk e detyron atë që në garën për Bashkinë e Tiranës, të japë dorëheqje nga posti i ministrit të Brendshëm. Një gjë e tillë nuk është parashikuar as në Kodin Zgjedhor, as në Kushtetutë apo në ndonjë vendim të Gjykatës Kushtetuese.
Mbajtja e këtij posti do t’i krijonte Ollda**** jo pak privilegje, pasi do të kishte mundësi të pamata për të kontrolluar procesin zgjedhor, duke qenë se ai ka nën kontroll edhe pushtetin vendor.
Mbajtja e postit të ministrit nuk do të krijonte probleme, edhe në rast se Olldashi do të humbte në zgjedhje. Ai do të vazhdonte normalisht punën, pa sjellë një telash të ri për kryeministrin Berisha për rikompozim të kabinetit qeveritar. Ndonëse Kushtetuta nuk e detyron Olldashin të japë dorëheqje nga posti i ministrit, është e kuptueshme se moralisht ai do të duhej të jepte dorëheqje nga ky funksion, me qëllim për të krijuar barazi elektorale mes kandidatëve. Një arsye tjetër për hedhjen e këtij hapi, është edhe çështja e certifikatave të hedhura javët e fundit në qarkullim nga ministria që ai drejton. Siç është bërë e ditur, këto certifikata kanë shumë probleme, sidomos në elementët e sigurisë, gjë që ka krijuar hije të mëdha dyshimi mbi një proces të rregullt zgjedhor.
Varianti II
Por nëse do të ketë një presion të madh detyrues për qeverinë, nga opozita apo faktori ndërkombëtar, për të ndërhyrë në largimin e ministrit Olldashi nga detyra, kjo do të shkaktonte jo pak probleme, duke bërë ndryshime në kabinetin qeveritar para zgjedhjeve, një çështje të cilën Berisha nuk e ka marrë në konsideratë. Nëse ai do të detyrohej të japë dorëheqjen, kjo do t’i hapte rrugën rregullimit të ekuilibrave të prishur brenda lidershipit të PD-së, sidomos në nivelet e nënkryetarëve. Këto rregullime, po sipas të njëjtave burime, do të mundësonin edhe një rikompozim më të plotë të qeverisë, duke përmirësuar jo vetëm bashkëpunimin mes grupit parlamentarë të PD, por edhe me partitë e koalicionit qeverisës. Mungesa e përfaqësimit në nivel proporcional të përfaqësimit të partive të koalicionit qeverisës në Kuvend, vijon të jetë një nga pikat më të debatueshme publike mes PD-së dhe partive aleate, siç është rasti i PDK-së. Por për të krijuar një ide më të qartë mbi të gjitha skenarët e mundshëm, do të duhet të pritet data 20 nëntor, datë në të cilën PD-ka do të shpalosë të gjithë emrat e kandidatëve të saj për kryetar bashkish dhe komunash.

Skema 1
Sokol Olldashi do të vazhdojë të jetë ministër i Brendshëm, pavarësisht se mund të kandidojë për postin e kryetarit të Bashkisë së Tiranës.

Ai nuk është i detyruar ligjërisht të lërë postin e ministrit. Olldashi, në bazë të Kushtetutës, është i detyruar të japë dorëheqje vetëm nga mandati i deputetit që fitoi në Shijak.

Skema 2
Nëse Olldashi fiton përballë Ramës në garën për postin e kryebashkiakut të Tiranës, në bazë të Kushtetutës, do të jetë i detyruar të japë dorëheqje nga ministër i Brendshëm, duke i hapur rrugën rregullimit të ekuilibrave të prishur brenda lidershipit të PD-së.

Nëse do të ketë presion të madh nga faktori i brendshëm apo ndërkombëtar, për dorëheqje të Ollda**** në rast se garon për kryebashkiak, atëherë kryeministri Berisha do të detyrohet për ndryshime në qeveri, ose do të qeverisë me zv.ministër sikurse e ka bërë edhe Nano.