OSLO.Qeveria norvegjeze e qendrës së majtë njoftoi sot se nuk do të dërgonte forca speciale në Afganistan, duke refuzuar thirrjet e NATO-s për përforcime në rajonet jugore të Afganistanit, ku trupat e huaja përballen me një rezistencë në rritje. Muajin e kaluar, zyrtarë të aleancës ushtarake të NATO-s të kryesuar nga SHBA-ja i bënë thirrje Norvegjisë, të rriste praninë e saj me trupa në Afganistan, që aktualisht arrijnë shifrën e 480 ushtarëve, ndërkohë që diplomatë janë shprehur se zyrtarë norvegjezë kishin sinjalizuar se do t'i përgjigjeshin kësaj thirrjeje.

FRANCE.Më shumë se tre tonë kanabis u zbuluan sot në një kamion spanjoll në një autostradë në Zhirondë mësohet nga burime pranë Drejtorisë Rajonale të Doganave. Ngarkesa prej 3.244 kilogramësh, e destinuar për në Holandë, me një vlerë tregu prej afro 6,5 milionë euro, është e katërta për nga sasia e sekuestruar e drogës që prej fillimit të vitit, saktësoi drejtoria e doganës.

SHKUP. Koordinatori i posaçëm i Paktit të Stabilitetit të Europës Juglindore, Erhard Busek, do jetë këshilltar i Qeverisë dhe i Kryeministrit të Maqedonisë për reformat e nevojshme drejt standardeve europiane si dhe për politikën e jashtme. Kjo u arrit në takimin e sotëm ndërmjet Kryeministrit Nikolla Gruevski dhe Koordinatorit Busek. "Sot i propozova Koordinatorit të Paktit të Stabiliteti të EJL-së të bëhet këshilltar i Qeverisë dhe i Kryeministrit të Maqedonisë", deklaroi Gruevski pas takimit me Koordinatorin.

TIRANE. "Partia Demokratike po bllokon realizimin e reformës zgjedhore", u shpreh sot kreu i Grupit Parlamentar LSI-PDS, Sabit Brokaj. Në një prononcim për mediat, zoti Brokaj u shpreh se "shumica e djathtë dhe kryesisht do të thoja Partia Demokratike ende nuk hap rrugën e zgjidhjes lidhur me kërkesën e opozitës, e cila kërkon kalimin si paketë të të gjitha pikave të marrëveshjes".

GREQI. Policia arrestoi 37 emigrantë klandestinë në një kamion të hipur në një traget grek të linjës Patras-Venecia. Shoferi i kamionit u arrestua gjithashtu në anijen që vinte nga Patrasidrejt në Venecias. Klandestinët si dhe trafikantët e dyshuar pritet të dërgohen përpara Prokurorisë.

MAT. Një banesë në Ulëz është grabitur ndërkohë që po punohet për identifikimin dhe ndalimin e tyre. Persona ende të paidentifikuar kanë hyrë dyke thyer derën e jashtme në banesën e Dila Çokut 50 vjeç, ku kanë vjedhur një sasi të hollash. Ne komisariat janë shoqëruar në komisariatin e policisë 3 persona, të cilët mund të kenë lidhje, ose dijeni mbi ngjarjen

TEPELENE. Policia ka arrestuar shtetasen Entela Llasi per vjedhje. 27-vjecarja Llashi i vodhi 4 milione leke nje shtetasje duke i marre karten elektronike te bankomatit dhe kodin perkates si dhe duke terhequr shumen e parave. Vjedhja e parave ra ne sy te shtetases e cila beri me pas denoncimin duke arrestuar 27-vjecaren.

AFGANISTAN. Rrëmbyesit e foto reporterit italian u kanë kërkuar autoriteteve dorëzimin e një afgani të kthyer në katolik deri në fund të javës në këmbim të lirimit të pengut. Abdul Rahman 41 vjeç që 16 vjet më parë ndërroi fenë, u largua drejt Italisë ku fitoi strehim politik pasi akuzohej për braktisje të fesë islame, vepër që dënohet me vdekje.

TIRANE. Komisioni i Disiplinës fundos Shkumbinin. Organi i FSHF ka përdorur reagon ashper ndaj dhunës së ndodhur në Peqin gjatë takimit Shkumbini-Partizani. 6 javë pezullim të fushës 300 mijë lekë të reja gjobë. Kjo është hera e parë në historinë e kampionatit shqiptar, që një klub bëhet shembull për shkak të trazirave të krijuara nga tifozeria në shkallët e stadiumit.

SERBI. Është arrestuar në Beograd një bashkëpunetor i afërt i shumë të kërkuarit Ratko Mlladic. Oficeri në pension i ngarkuar për sigurinë e serbëve të Bosnjes, Marko Lugonja, është arrestuar pak kohë para se të nisej për në kryeqytetin rus.

USA. Sekretarja amerikane e Shtetit Rice u nis nga Shtetet e Bashkuara për të shkuar në Tokio etapa e parë e një turneu në Azi për t'i bindur fqinjët e Koresë së Veriut të zbatojnë plotësisht sanksionet kundër Phenianit.

LUKSEMBURG. Bashkimi Europian përshëndeti sot propozimet, që përcaktojnë kompetencat e përfaqësuesit të saj të ardhshëm në Bosnjë-Hercegovinë, që pritet të zëvëndësojë në qershor përfaqësuesin e lartë të komunitetit ndërkombëtar. Në një raport, të përshëndetur sot nga Ministrat e Jashtëm europianë, përfaqësuesi i lartë i BE-së për politikën e Jashtme, Havier Solana dhe komisioneri europian për Zgjerim, Oli Ren rekomandojnë një prani të BE-së të përforcuar, koherente dhe të bashkuar në Bosnjë, për të siguruar një kalim efikas të pushtetit nga përfaqësuesi i lartë i komunitetit ndërkombëtar.

TIRANE. Partia Social Demokrate, nëpërmjet një deklarate për shtyp, shprehu shqetësimin e saj lidhur me mosrealizimin e reformës zgjedhore. Nënkryetari i PSD-së, Engjëll Bejtaj, gjatë një konference për shtyp, u shpreh se "deri tani, ne kemi shprehur shqetësimin për rrezikun e manipulimit të zgjedhjeve, ndërsa sot jemi të bindur se proçesi i vjedhjes ka filluar. Momenti i bllokimit të funksionimit të Komisionit të posaçëm për Reformën Zgjedhore dhe së fundi, skadimi i mandatit të tij, janë oguri më i keq për zgjedhjet e ardhshme".

TIRANE. Policia e kryeqytetit njoftoi sot arrestimin e shtetasve Sazan Demollari, 33 vjeç dhe Agustin Gjini, 29 vjeç, të dy puntorë pranë Kryegjyshatës, pasi dyshohen për “vjedhje në bashkëpunim”. Burime zyrtare nga Policia e Tiranës, thanë se, Demollari dhe Gjini, të dy banues në Tiranë, dyshohen se janë autorët e vjedhjes së një kasaforte me 53.000 lekë, dje në mjediset e brendshme të Kryegjyshatës.

DURRES. Tre shtetase janë dëmtuar si pasojë e një aksidenti në rrugën e Shkozetit. Nga përplasja e dy automjeteve janë aksidentuar drejtuesja 30-vjeçare Diamanta Kasa dhe vajza e saj 8 vjeçare, Ada, si dhe 20 vjeçarja Arsida Tola, që udhëtonte së bashku me to. Të dëmtuarat janë përcjellë në spital jashtë rrezikut për jetën.