Në kampin kuqezi është bërë i dukshëm një problem që duhet zgjidhur sa më shpejt: shterpësia e sulmuesve. Xhilardino nuk shënon prej kohësh, Oliveira ka një mijë e një probleme, ndërsa Inzagi mundohet me të gjitha mundësitë që ka, por që nuk mjafton. Galiani "qan" akoma Shevçenkon (që nuk shënon edhe ai te Çelsi), por që nuk mund ta marrë përsëri te Milani, kështu që rinis gjuetinë për Ronaldon. Paralelisht duhet perfeksionuar strategjia për blerjen e Ronaldinjos nga Bracelona në fund të sezonit. Milani ka nevojë që tani për "Fenomenin", por ekziston një problem mjaft i rëndësishëm. Braziliani i Realit është aktivizuar në Champions vetëm për 18 minuta ndaj Dinamos së Kievit, por që kanë mjaftuar që ai të mos aktivizohet më në këtë kompeticion me ndonjë skuadër tjetër. Mirëpo Milani nuk është se ka zgjidhje të tjera, kështu që dëshiron t'i rifillojë tratativat me Realin (të dështuara në verë, kur madrilenët kërkuan 27 milionë euro) gjatë janarit të ardhshëm, duke sakrifikuar të zakonshmin Borielo. Në këtë pikë edhe Kalderoni është i gatshëm ta ulë çmimin.