Sulmuesi brazilian, Ronaldo, ka thënë se nuk e ka shpjeguar dot pse është dënuar me karton të kuq, hera e dytë në karrierën e tij me Realin e Madridit, në ndeshjen ndaj Getafes. 30-vjeçari brazilian ka marrë kartonin e dytë të verdhë, pasi i ka thënë diçka gjyqtarit të ndeshjes në minutat e fundit të takimit. Hera e fundit që ishte dënuar me karton të kuq me fanellën e Realit, ka qenë ndeshja ku madrilenët humbën ndaj Juventusit 2-0 në Ligën e Kampioneve. Ai do të mungojë në ndeshjen e radhës që ata do të kenë ndaj rivalëve të përjetshëm të Barcelonës. "Nuk arrij ta kuptoj pse u dënova për herë të dytë me karton të verdhë, - tha Ronaldo për gazetarët. - Pashë që Van Nistëlroi po i bërtiste gjyqtarit për një faull që e kishte dhënë pa arsye dhe e pyeta gjyqtarin pse i kishte nxjerrë karton. Gjyqtari lëvizi kokën tej dhe më shpërfilli. Unë më pas i thashë vetëm: Je një fenomen dhe ai më dënoi me kartonin e dytë të verdhë". Gjyqtari Bernardino Gonzalez Vazkez shkruante në raportin pas ndeshjes se Ronaldo ishte dënuar, sepse kishte protestuar ndaj vendimeve të tij. Trajneri i Realit të Madridit, Fabio Kapelo, doli pas ndeshjes në konferencë për shtyp për të analizuar humbjen ndaj Getafes. Kundërshtarët, sipas italianit, e merituan fitoren, dhe tha: "Ata fituan, sepse e merituan. Mendoj se i meritojnë të trija pikët. Ne luajtëm keq. Helguera kishte probleme në pjesën e dytë, por unë nuk mund ta zëvendësoja, pasi i kisha kryer të trija zëvendësimet. Nuk dëshiroj të komentoj rreth vendimeve të gjyqtarit. Nuk do të kishte ndonjë ndryshim. Nuk mendoj se mund të apelojmë kartonin e verdhë të Ronaldos, në mënyrë që ai të luajë ndaj Barçës. Getafe luajti mirë. Çdo fjalë tjetër do të ishte e tepërt. Na mungoi ritmi. Ata ishin më të shpejtë dhe e kërkuan fitoren me ngulm. Në pjesën e parë luajtëm me dy qendërmbrojtës që nuk luanin prej kohësh. Agresiviteti i Getafes nuk na lejoi të luanim futboll të qetë. Duhet të fokusohemi në ndeshjen e së martës ndaj Steauas së Bukureshtit".
__________________
none
Page 1 of 1 sorted by
TiRaNaWeB.NeT -> Sporti -> "Pendohet" Kapelo, justifikohet Ronaldo: Trajneri pranon humbjen në Getafe, ndërsa braziliani shpjegon kartonin e marrë