Reali i Madridit i drejtuar nga Fabio Kapelo pësoi një disfatë të dyfishtë, teksa u mund 1-0 ndaj Getafes dhe sulmuesi Ronaldo u nxorr me kartonin e kuq në minutat e mbetura. Qendërmbrojtësi, Aleksis i dha avantazhin skuadrës së Bernd Shusterit fitoren e metiruar ndaj nëntë herë kampionëve të Europës, 15 minuta pas pasi kishte nisur pjesa e dytë, gjatë një goditje këndi. Reali, i cili javën e ardhshme do të luaj "El Klasikon" ndaj Barcelonës, dha një nga paraqitjet më të shëmtuara në këtë sezon. "Merengesit" u dukën të hutuar në mbrojtje, të lodhur në mesfushë dhe me ide të vakta në sulm. Dështimi i madrilenëve u kompletua kur Ronaldo u nxorr me kartonin e kuq pas minuta nga fundit i lojës për shkak të kartonit të dytë të verdhë në harkun e pak minutave. "Fenomeni" do të mungojë ndaj katalanasve të Rajkardi për shkak të disa fjalëve të tepruara të thëna drejt gjyqtarit. Humbja e lë Realin, në vendin e katërt në klasifikim, dy pikë larg Barcelonës kryesuese, por këta të fundit kanë një ndeshje më pak. Nga ana tjetër Getafe, e cila e shtyu në tri numrin e ndeshjeve pa humbje në përballjet me Realin, ngjitet në vendin e tetë, një pikë larg "komshinjëve të famshëm."
Sot luhen ndeshjet e e tjera të javës së pestë të Primera Divizionit. Spikat padyshim takimi ndërmjet Barcelonës dhe Seviljes. Katalanasit do të kërkojnë revanshin në "Kamp Nou", ndaj skuadrës së Huande Ramosit që e ka mundur në të dy ndeshjet e fundit, përfshi atë të vlefshme për Superkupën e Spanjën. "Nëse mundim sërish Barcelonën, - tha braziliani i Seviljes Rafael, - të gjithë do të kenë më shumë respekt për ne." Ndërkohë, Valencia, që ndan kreun me kampionët do të udhëtojë për në Vigo, në një trasfertë delikate që do të testojë pretendimet e skuadrës së drejtuar nga Kike Sançez Flores. Në kërkim të tri pikëve është edhe Vilarealit. Të besuarit e Pelegrinit synojnë fitoren në "El Madrigal" për të konfimuar se kanë gjetur rrugën e duhur, pas një fillimi aspak premtues. Përballë "nëndetëses" do të jetë Espanjoli, fituese e edicionit të kaluar të Kupës së Mbretit. Ndërkohë, Sociedadi do të përpiqet të shfrytëzojë faktorin fushë për fitoren e parë në këtë sezon, në sfidën e sotme ndaj Saragozës së Aimarit. Në kërkim të suksesit të parë është edhe Bilbao që do të luaj në Huelva. Ndeshjet e tjera do të jenë, Levante-Majorka, Osasuna-Santander dhe sfida e mbrëmjes Betis-Deportivo.