Publikon një libër

Një libër për të zgjidhur një nga dyshimet që ka përfshirë më shumë jo vetëm tifozët italianë. "Çfarë i thashë vërtet Zidanes", është ky titulli i librit të shkruar nga Marko Materaci, që do të publikohet në ditët e ardhshme. Është një tekst ironik që përmbledh 249 fraza, që futbollisti i Interit dhe i kombëtares duhet t'i ketë thënë kundërshtarit francez në rastin e goditjes së famshme me kokë gjatë finales së botërorit në Berlin.
Natyrisht, përgjigjet janë ironike. "Siç duhet ta kesh kuptuar i dashur lexues, jam zbavitur, - shkruan Materaci në parathënien e librit, - duke zhvilluar anën absurde të kësaj çështjeje". Libri, të ardhurat e të cilit do të shkojnë për bamirësi tek "Unicefi", ka brenda 249 fraza. Nga më absurdet e më qesharaket është: "Zinedin, çfarë po më bën? Nuk keni humbur ende dhe që tani po shkul flokët". Një tjetër: "Më tha Simona Ventura që të të pyes nëse sezonin tjetër do të jesh pjesë e spektaklit "Isola dei Famossi". Kështu thonë burimet që ndoshta kërkojnë të nxisin ****jen e librit (10 euro). Në kopertinë nuk mund të mungonte fotoja e Zidanes që godet gjoksin e Materacit pak minuta para fundit të botërorit. Ndërsa në mbyllje shkruhet vendimi i komisionit disiplinor të FIFA-s mbi çështjen në fjalë.