TIRANË- Përcaktimi i kuotave të pranimit në universitetet dy ditë më parë nga qeveria shembi shpresën e mijëra maturantëve për tú bërë pjesë e shkollës së lartë. Vetëm 7 900 kuota të miratuara ndërkohë që rreth 25 mijë maturantë u janë nënshtruar provimeve me zgjedhje. Mundësia që rreth 25 mijë maturantë të futen në dyert e shkollës së lartë nuk ekziston ndërkohë që gjithë shpresa e maturantëve mbetet tek degët e lira, ku ende nuk është bërë I ditur limiti hyrës I kandidatëve. Në degët e lira thuhet se futja e kandidatëve do të jetë pa limit ndërkohë që nuk ekziston aspak mundësia reale që këto fakultete të presin një numër shumë të madh studentësh, fakt ky i pohuar edhe nga vetë drejtuesit e universiteteve. Nga ana tjetër MASH nuk ka nguruar të llogaris në numrin e maturantëve që do behën pjesë e universiteteve as ata që do ta zgjdhin në mënyrë private shkollimin e tyre. Pra sipas kësaj ministrie duke marr parasysh edhe numrin e maturantëve që do të ndjekin studimet në universitete private, numri i maturantëve që do bëhen pjesë e shkollës së lartë është tepër i lartë. E njëjëta situatë u përsërit edhe një vit më parë, ku u tha se numri i kandidatëve që do të bëheshin pjesë e shkollës së lartë do të rritej ndjeshëm, ndërkohë që përcaktimi i kuotave tregoi se nuk u mbajtën premtimet për hapjen e tre univeriteteve të reja, nuk u rrit numri I studentëve, aq më pak nuk mund të bëhej fjalë për liberalizim të shkollës së lartë. Edhe këtë vit akademik duket se po ndiqet e njëjëta procedurë nga qeveria demokratike, përvec faktit se ndryshoi komplet skema e pranimit në universitete e cila më shumë i ngatërroi maturantët se sa i ndihmoi. Jo të gjithë kandidatët që kanë konkuruar në shkollën e lartë mund të bëhen pjesë e saj. Kërkesa e rektorëve është marr parasysh edhe nga ministria e cila ka vendosur se si kriter seleksionues do të jetë nota e Maturës Shtetërore. Ministria e Arsimit duhet të vendos kritere të qarta për pranimin në shkollën e lartë si dhe të zgjidh problemin e pikëve të barabarta për pranimet e maturantëve të regjistruar. Pas vendimit të qeverisë për të stimuluar degët më pak të kërkuara duke i shpallur degë të lira u regjistruan një numër i madh maturantësh. Sipas rektorit të Universitetit të Tiranës edhe në ato degë ku çdo vit ka pasur një numër të vogël të regjistruarish, sivjet ka disa herë më shumë, që do të thotë se nuk mund të pranohen të gjithë studentët. Vetë kreu Arsimit deklaroi pak kohë më parë se do të ketë kritere përzgje-dhëse edhe në degët e lira të cilat janë shpallur të lira. Faku-ltetet nuk mund të presin të gjithë kandidatët e regjistruar për shkak se mungon stafi akademik dhe mjediset. Pranimet e maturantëve do të bëhen sipas rezultateve të Maturës Shtetërore dhe mesatares së shkollës së mesme. Liberalizimi i shkollës së lartë u premtua dhe gjatë vitit të kaluar nga qeveria demokratike, por asgjë nuk ndryshoi numri i pranimeve ishte i përafërt me atë të një viti më parë. Hapja e dyerëve të 38 fakulteteve për maturantët që duan të ndjekin shkollën e lartë në fakt nuk rezultoi të ishte e tillë. Vetëm në Universitetin e Tiranës numri i maturantëve të regjistruar është 45 mijë ndërkohë që numri i pranimeve në universitete është vetëm 7 900 kuota.Në universitet nuk do hyjnë të gjithë maturantët që janë regjistruar,ata duhet të kalojnë nëpër sitë. Deklarata e kreut të Arsimit Genc Pollo për liberalizimin e 38 degëve rrezikon të lërë jashtë auditoreve mijëra maturantë. Në degët e lira do të ketë numër të kufizuar studentësh dhe përz-gjidhja e tyre do të bëhet në bazë të rezultateve. Liberalizimi i shkollës së lartë u premtua dhe gjatë vitit të kaluar nga qeveria demokratike, por asgjë nuk ndryshoi numri i pranimeve ishte i përafërt me atë të një viti më parë.Hapja e dyerëve të 38 fakulteteve për të gjithë maturantët që duan të ndjekin shkollën e lartë rrezikon të mbetet vetëm një premtim ashtu si dhe një vit më parë.