Tetor 7, 2006

"E përdhunuara" fal dy të rinjtë: Shkova me dëshirë me ata

Megjithëse kanë përfunduar në burg dy përdhunuesit, 19-vjeçarja nga Korça ka vendosur të tërheqë dhe denoncimin. Mëngjesin e ditës së djeshme, me anë të një letre të firmosur nga denoncuesja, e sjellë në polici nga avokati i saj, është hedhur poshtë akti, pasi e reja pretendon se ka shkuar me dëshirë me dy të rinjtë. S.J., banore e lagjes 4 të qytetit të Korçës, ka vetëm pak kohë që ka ardhur nga qyteza e Ersekës bashkë me familjen mbas divorcit të prindërve. Ajo është gjetur nga policia ulur në trotuar në periferi të qytetit duke qarë dhe vetëm mbas interesimit të bluve, ka treguar se është përdhunuar. Mbas nisjes së hetimeve për zbardhjen e kësaj ngjarjeje, është arritur tek dy autorët e saj, që ishin 19-vjeçari Nikolla Mihallari dhe 23-vjeçari, Aleks Mitre, të dy banorë të fshatit Drenovë.