Tropojë- Dy persona nga fshati Lekbibaj janë kapur dje, pikërisht një muaj pasi në pronat e tyre policia kishte korrur një sasi kanabisi. Mark Lekndreaj, 47 vjeç dhe Lulash Lekndreaj, 41 vjeç, përfunduan në prangat e policisë me akuzën e "kultivimit të lëndëve narkotike". Me datë 3 shtator në pronat e tyre në fshatin Lekbibaj, policia kishte korrur një sasi të konsiderueshme kanabis sativa.
Vetëvaret ish-kryetari i komunës së Bradashe****
Elbasan-Paraditen e të martës, shtetasi Jani Subashi, 60 vjeë, ish-kryetari i komunës së Bradashe**** në rrethin Elbasanit, i ka dhënë fund jetës duke u vetëvarur në banesën e tij. 60-vjeçari është gjetur i pajetë në një nga ambientet e shtëpisë së tij në periferi të qytetit të, nga bashkëshortja e tij. Shtetasi Jani Subashi prej shumë vitesh ka qenë i njohur si drejtues në sektorë të ndryshëm dhe për një kohë të gjatë në administratën shtetërore. Ai kishte probleme me shëndetin mendor, arsye për të cilën ai ishte kuruar në spitalin e Elbasanit.
Hapet shkolla e mesme në Mesopotam
DELVINE-Disa ditë më parë, me interesimin e drejtpërdrejtë të kryepeshkopit Anastas Janullatus, është hapur në fshatin Mesopotam të rrethit të Delvinës një shkollë profesionale. Ndërtesa në të cilën do të mësojnë zanate të ndryshme rreth 80 nxënës nga Gjirokastra, Delvina dhe Saranda (kryesisht minoritarë), është në pronësi të Kishës Ortodokse. Drejtuesit e kësaj kishe kanë siguruar edhe pajisjet e domosdoshme të shkollës profesionale.
