4,tetor,2006
Aviacioni Civil, në varësi të tij. Dje s'ka lajmëruar nëse do vijë apo jo

Basha në Prokurori për "Albatros"

Ministri do të pyetet në cilësinë e deklaruesit

Lulëzim Basha thirret në Prokurori për t'u pyetur rreth skandalit "Albatros". Ministri i Transporteve, Punëve Publike dhe Telekomunikacionit, është thirrur nga organi i akuzës në cilësinë e deklaruesit. Shkak për këtë është fakti se Drejtoria e Aviacionit Civil është në varësi të ministrisë që Basha drejton dhe për skandalin "Albatros", drejtori i kësaj drejtorie, Gazmend Dibra, është nën akuzë. Kjo, pasi ai është regjistruar gjatë një bisede me aksionerët e kompanisë së fluturimeve "Albatros". Këta të fundit e kanë akuzuar Dibrën për presion dhe shkaktar për pezullimin e fluturimeve. Madje, sipas tyre, bazuar dhe në provat audio, "Dibra u ka bërë edhe shantazh që Moisiu të firmosë shkarkimin e Sollakut, për t'u lejuar më pas vazhdimi i fluturimeve të avionëve të "Albatros".
Basha është njoftuar dje për thirrjen në Prokurori dhe megjithëse nga institucioni i tij nuk është kthyer asnjë përgjigje, ai sot pritet që në orën 09.00 të paraqitet në organin e akuzës për t'u pyetur nga prokurorët.

 

                                                    Pergatiti: Arbi Hoxha: Arbi_1999@hotmail.com