Kapelo: Të gjithë duhet të na e kenë frikën

"Ky është Juventusi. Kemi marrë Kovaëin në mbrojtje, Vieiranë dhe Xhanikedën në mesfushë, dhe rumunin Mutu në sulm. Jemi në rregull, i arritëm objektivat dhe jemi të fortë".
Fabio Kapelo është i kënaqur dhe nuk bën asgjë për ta fshehur. Fushata e blerjeve të bardhezinjve ka shtuar numrin dhe nivelin e ardhjeve të reja që në sezonin e shkuar ishin më pak, kur në krye të stolit juventin erdhi "Don Fabio". Vitin e shkuar, trajneri friulan mezi solli në Torino Emersonin, pas një "telenovele" të gjatë me Romën, ndërsa tani shijon ardhjen pa shumë lodhje të Patrik Vieirasë, që mund të konsiderohet "perla" e merkatos juventine.
"është një "pedinë" e rëndësishme, një udhëheqës natyral, - thotë Kapelo, duke iu referuar klasit të mesfushorit francez. - Mund të bëjë ndryshimin nga të tjerët. Do të përshtatet lehtësisht, falë edhe pranisë së francezëve të tjerë te Juvja (Turam e Trezege). Ka aftësi të madhe teknike dhe njerëzore. Me kalimin e viteve ka ardhur duke u rritur, por ka nevojë ende një dëshirë të madhe për t'u përmirësuar". Tashmë mesfusha e kampionëve të Italisë do të ketë një dyshe të pakalueshme, me francezin dhe brazilianin si një "digë". "Emerson-Vieira do të jetë një nga dyshet më të forta në qarkullim në repartin e mesfushës dhe jo vetëm në Itali", - shprehet Kapelo tepër krenar, edhe pse për këtë dyshe është e drejtë të bëhet një përjashtim.
Tani Juvja është edhe më e fortë se në sezonin e shkuar dhe nuk mund të fshihet, sepse objektivi është Liga e Kampioneve. "Nuk më trembin përgjegjësitë, - shpjegon trajneri bardhezi, - që duhet të matem me objektiva ambiciozë dhe me personalitetin e fortë të bardhezinjve. Parapëlqej të kem kampionë të vërtetë dhe jo gjysmë futbollistë që vetëm besojnë. Janë të tjerët që duhet të na kenë frikë ne, sepse Juventusi është kampioni në fuqi".
Sot Juventusi (në orën 18.00 ) do të luajë ndaj Pavias në miqësoren e dytë sezonale, pas asaj të zhvilluar në Vogerë. Pritet debutimi i Vieirasë, që duhet të luajë të paktën një pjesë loje: "Për ndeshjen e sotme në Pavia do ta pyes nëse është gati të luajë, - saktëson Kapelo. - Keni dyshime mbi përgjigjen e francezitë".

Përgatiti materialin : Arbi Hoxha