Mediet amerikane që merren me yjet e famshme dhe thashethemet rreth jetës së tyre private, së fundi kanë zbuluar se këngëtarja seksi, Christina Aguilera, është shtatzënë.
Ylli i këngës The Dirty, është në javën e nëntë të shtatzënisë. Ajo është e martuar me 30-vjeçarin, Jordan Bratman, dhe këtë lajm ia ka treguar atij për ditëlindje, më 4 qershor.
"Jordan është çmendur prej gëzimit! Ai ka thënë se lajmi për foshnjën është dhurata më e mirë që ka marrë ndonjëherë, ka deklaruar një burim i afërt më këtë çift për revistën, America's Star.
"Christina çdoherë ka qenë amënore dhe nuk ka fije dyshimi se ajo do të jetë një nënë e përkryer, ka thënë ky burim.
Më 7 qershor, Christina dhe Jordan janë parë duke dalë nga klinika gjinekologjike Maternal Fetal Medicine Association në New York që njihet si klinika më e famshme për shtatzëni në SHBA.
Aguilera 26-vjeçare është martuar me producentin muzikor Bratman, më 19 nëntor të vitit 2005, në Nappa Valley.