Seks për të marrë provimin! Skandali
në Fakultetin e Gjuhëve të Huaja për degën e
turqishtes, është zbuluar nga kamerat e fshehta të
emisionit Fiks-Fare. Shefi i katedrës së turqishtes,
Nezir Balla, me anë të presioneve psikologjike ndaj
një studenteje 19-vjeçare nga Fieri, e ka
detyruar që të shkoj në shtrat për
të shpëtuar shkollën.
Balla ka përfituar nga studentja që me 5 provime të
mbetura ishte në pikë të hallit,
për të përmbushur epshet. Një
mënyrë kjo e aluduar shpesh në auditorët e universiteteve,
por që nuk ishte d e m a s k u a r
ndonjëherë. Dhe është pikërisht 19-vjeçarja fierake
që pranon të bashkëpunojnë
me gazetarët e Fiks-Fare, për të publikuar
skandalin seksual të pedagogut.
I errësuar nga epshi dhe i rënë krejtësisht në rrjetën
e Fiks-Fare, pedagogu nuk ka dashur ta besojë se
ishte viktima e radhës në emisionin investigativ.
Profesori i historidë dhe gjografisë turke, mësohet se
i kishte thënë studentes së tij, se nëse do të merrte shkollën,
duhet të shkonte në krevat me të. Në këto kushte,
pasi ia ka shtyrë disa herë takimet Ballës, vajza ka
pranuar në zyrën e tij. Pasi e ka puthur njëherë, vajza ka
dalë prej aty dhe kanë lënë një takim për më vonë. Por,
19-vjeçarja duket se e kishte menduar mirë këtë punë.
Pasi kishte siguruar shtëpinë ku do ti jepej profesorit,
i cili është rreth 50 vjeç dhe pasi kishte biseduar me
drejtuesit e emisionit për ta filmuar, si dhe pasi janë
montuar kamerat e fshehta, vajza e ka ftuar profesorin,
diku në një shtëpi te 21 Dhjetori.

--------------------------------------------------------------------
Pjesa e parë e dialogut të studentes me profesorin

Vajza: Mirëdita profesor!

Profesori: Si je ti?

Vajza: Mirë, faleminderit!

Profesori: Si ke qenë ti?

Vajza: Mirë

Profesori: Ishe në shtëpi?

Vajza: Isha në shtëpi, se kisha mamin shumë sëmurë.

Profesori: Të shkuara! Mirë ke qenë? Çfarë ke bërë?

Vajza: Mirë profesor.

Profesori: Çkemi ndonjë gjë?

Vajza: Mirë.

Profesori: Çfarë thuhet, çfarë bëhet?

Vajza: Hiç asnjë gjë. Çfarë bëni ju?

Profesori: Tani, mësim sot nuk do të bëjmë. Sot nuk do bëjmë... Do caktojmë një orar...

Vajza: Ku? Nuk do bëjmë mësim sot?

Profesori: Tashti, nuk do të bëjmë bashkë domethënë. Atje do bësh ti. Ke kjo, te Tika, si i thonë?!

Vajza: Po

Profesori: Se do vij dhe unë në orën tre, se kam mësim. Tani kur do bëjmë bashkë? Si do bëjmë, qysh do bëjmë?

Vajza: Të premten... A ke mësim të premten?

Profesori: Jo skam!

Vajza: Po në rregull, të premten.

Profesori: Të premten? Tjetër ditë, tjetër?

Vajza: Të shtunë, të diel...

Profesori: Të shtunë, të diel! Ku do të vemi?

Vajza: Po ku të duash ti profesor! Unë në fakt kam një kushërirë që në këtë fundjavë ikën.

Profesori: Bukur!

Vajza: Edhe mbase marr çelësat e saj ti them gjoja do të rri andej.

Profesori: Bukur, e bëjmë atje. Shumë dakord!

Vajza: Jam shumë e mërzitur profesor.

Profesori: Pse, çfarë halli ke?

Vajza: Po ja, nuk u thosha dot prindërve që kam ngelur.

Profesori: Ooooo, vetëm mos fillo me qajt.

Vajza: Jo nuk e thashë atë që të filloj me të qarë, profesor

poo... ju thatë...

Profesori: Hë, çfarë thashë unë?

Vajza: Që ka edhe alternativa të tjera për të kaluar.

Profesori: Patjetër që ka! Do mësosh!

Vajza: Po si do mësoj profesor?

Profesori: Me kurs.

Vajza: Kjo mendon ti do taaa...

Profesori: Patjetër! E para është kjo. Pa mësuar ske derman... nuk ke. Kjo është, do mësosh! He... fol.

Vajza: Nuk e di...

Profesori: Fol ti, fol si të duash ti, hajde. Puna është të kalojmë. Dakord je?

Vajza: Edhe unë atë dua profesor, të kaloj.

Profesori: Tash në sa lëndë ke mbetur? Në të gjitha ke mbetur ti?

Vajza: Në të gjitha.

Profesori: Do bëjmë si do bëjmë, do mësosh mirë. Kurs. Do bëjmë vetëm kurs. Kursi është kryesori, pastaj të tjerat kollaj fare! Mirë?

Vajza: Po kur ta nisim kursin? Ta bëjmë këtë të premte?

Profesori: Do që nesër?

Vajza: Jo, jo nesër nuk kam kohë, se kam jo kursin te Tika, jo kështu...

Profesori: Të premten!

Vajza: Në rregull!

Profesori: Në çorë do shkojmë atje ne? Më thuaj orën, ku, si, qysh, tek...

Vajza: Nga ora...

Profesori: Ku e ka shtëpinë ajo?

Vajza: Aty te 21-shi.

Profesori: Shumë mirë.

Vajza: Nga ora 10.

Profesori: Në dhjetë të mëngjesit?!

Vajza: Po.

Profesori: Po shumë mirë! Ku takohemi, si takohemi, qysh takohemi?

Vajza: Po te 21! Flasim në telefon. Pastaj si të jetë.

Profesori: Bukur, shumë mirë. Dakord jam.

Vajza: Takohemi te 21-shi.

Profesori: Shumë mirë, dakord. Hajde... tjetër.

Vajza: Se di tjetër, çfarë të them unë?

Profesori: Fol!

Vajza: Prandaj doja të takoja profesor!

Profesori: Patjetër!

Vajza: Se e dua tani sa më shpejt këtë kursin edhe...

Profesori: Kursin do ta bëjmë sa më shpejt. Rrimë atje ne dhe punojmë. Të premte, të shtunë, të diel! Tre ditë, dakord je? Tjetër çfarë do?

Vajza: Asgjë.

Profesori: Fol!.. fol derëbardhë.

Vajza: Po mirë... vetëm do kaloj? Me pesë apo... nuk bëhet fjalë për ndonjë notë?

Profesori: Tashti... shohim e bëjmë atje. Varet nga rezultatet e tua. Shohim e bëjmë, si të duash... Se je bërë pis këtu.

Vajza: Faleminderit

Profesori: Dakord?

Vajza: E mirë.

Profesori: Si të duash ti.

Vajza: Si do ta bëjmë?

Profesori: Si thua ti?... Fol tjetër çfarë do nga unë?

Vajza: Më jep maksimumin se dua të kaloj se sbën.

Profesori: Patjetër do ta bëjmë maksimumin. Edhe unë këtë them.

Vajza: Nuk mund tu them dot njerëzve të mi që...

Profesori: Tjetër çfarë do?

Vajza: Mamin e kam shumë keq edhe...

Profesori: Të shkuara! Çfarë ka mami?!

Vajza: Ka ngrirë nga mesi, nuk e di çfarë ka. Diabet... të tëra i ka.

Profesori: Tjetër çfarë do nga unë? Fol!

Vajza: Ja këtë. Thjesht të më ndihmosh me kursin edhe...

Profesori: Do të ndihmoj me kursin, mos u bëj merak. Tjetër! Kursin e ke aty. Tjetër çfarë do? Fol!

Vajza: Asnjë gjë!

Profesori: Thuj çfarë të duash ti. Hajde

Vajza: Pooo...

Profesori: Erdha hë. Fol!

Vajza: Sikur tju paguaja ndonjë lekë?

Profesori: Jo... unë nga studentët e mi... lekë ska. Hiqe atë mendje. Nuk marr lekë nga studentët. Hiqe atë mëndje të keqe.

Vajza: Ok atëherë. Takohemi të premten.

Profesori: Të premten. Dakord je?

Vajza: Po dakord jam!

Profesori: Si të duash! Me lekë... hiqe atë mendje. Dakord?

Vajza: Po.

Profesori: Hajde njëherë të të puth dhe ik. Ec tani... nëm faqen dhe të iki. Do ta lemë kështu atëherë. Do takohemi ditën e...?

Vajza: Ditën e premte.

Profesori: Ditën e premte tek?

Vajza: Te 21-shi. Do të marr vetë në telefon se ku e ka shtëpinë dhe... ok! Se për shembull si di unë rrugët mirë edhe...

Profesori: Ne do ta lemë kështu. Do thuash në filan vend takohemi Profesor, për shembull te 21-shi ku e ke ti aty më afër më...?

Vajza: Me saktësi nuk e di profesor se ka shumë kthesa...

Profesori: Do më thuash mua jam në filan vend, ku për shembull më thua mua ti...?

Vajza: Te "Mehmet Akifi".

Profesori: Te dera e "Mehmet Akifit"! Mu te dera e kolegjit. Në orën sa do ta lemë?

Vajza: Në orën 10:30

Profesori: Në orën 10:30. Tamam?

Vajza: Tamam.

Profesori: Do vish të bësh mësim edhe këtu!

Vajza: Po sigurisht.

Profesori: Mos i thuaj njeriut se kërkojnë të gjithë me bë.

Vajza: Në rregull!

Profesori: Ku e ka shtëpinë ajo, çfarë vendi?

Vajza: Kështu me vend nuk e di saktësisht, të them kështu për shembull, se nuk i njoh ato rrugët. Pastaj ikim bashkë ne profesor që prej atje.

Profesori: A ikim bashkë?! Eee. Ke qenë ndonjëherë atje ti?

Vajza: Po kam qenë!

Profesori: E mirë, dakord! Atëherë e lëmë kështu!

Vajza: Ashtu do ta lëmë.

Profesori: Më jep faqen edhe... faqen tjetër. Hajde, takohemi ditën e premte, dakord?